La transcription de cet almanach obéit aux mêmes règles que les précédentes. Je corrige sans prévention de nombreuses fautes typographiques patentes, en marque parfois d'autres par des parenthèses et rectifie aux endroits nécessaires une ponctuation négligée, afin de donner plus de lisibilité à un texte typographiquement très négligé. Je laisse la traduction du latin à d'ultérieures versions et remercie mon éclaireuse pour son patient labeur.





⚹ AETERNO  AC  ☽  P. D. O. V. V. S.
A L M A N A C H
POVR  L'AN  M. D. LXV
AVECQVES SES TRESAMPLES
significations & presages d'un chacun
moys,

Composé par M. Michel Nostradame, Docteur
en medecine, Medecin du Roy, &
Astrophile à Salon de Craux
en Provence.
⚹

A LYON
PAR  BENOIST  ODO,
M. D. LXV.
Avec privilege.


A Treschrestien Roy Charles ix de ce nom
Michael Nostradamus S. *

LA magnanimité qui donne une splendeur tresluysante
à Vostre Magesté, Sire, qui reluit à tous ceux
qui sont al'entour, vous admirans & voyans
les immesurees & celestes indications que les cieux
Vous presagent advenir par le discours de Vostre
Vie, Sire, & que le tiltre de Roy Christianissime que les anciens
Roys de France vos progeniteurs ont aquis : & considerant par les
profondes revolutions, ô Sire, que pour le temps advenir Vostre
Magesté doit surpasser Voz antiq ancestres Troyens, sentant plus
sa divinité que humanité ce que bonnement je ne puis mettre par
escript. Sape enim magna est laus quae brevis est. ** Tresasseuré je
suis, jouxte que les astres vous presagent durant Vostre Vie, que Vos
faicts & gestes seront par plusieurs Chronographes redigés par
escript, & divers apophthegmes, promptement procedans de
Vostre bouche (ce que fort rarement advient à monarques &
empereurs & grands roys, imitant en cela Voz progeniteurs maternels,
mesmes le feu grand Laurens ***) & voyant icelle supreme esperance
que universellement tous ceux de vostre royaume esperent de Vostre
Magesté, ô Roy tresinvincible, m'a encores par ceste foys **** donné
la hardiesse de Vous consacrer les presages de l'annee 1565
ensemble l'almanach. I'offre [J'offre] donc à vostre royalle Magesté, Sire, ce
mien petit don, lequel vous plairra prendre de non moindre
affection que le moindre de Voz serviteurs & treshumble subjet
vous presente. Priant Dieu, Sire, qu'il vous doint en bonne santé
vie longue. De Salon de Craux en Provence ce xiiij [14] d'Avril,
1564 pour l'an 1565.

* S. pour servus : "(son) serviteur"
** Ficino dans une lettre au chancelier de Florence Bartolomeo Scala (1430-1497)
[lettre non datée, reclassée n.119 dans les éditions récentes de sa correspondance] :
"Sepe [Saepe] magna est laus quae brevis est" (Souvent, l'éloge est d'autant plus grand qu'il est concis),
paraissant justifier cette courte et inhabituelle adresse à Charles IX.
[in Epistolae Marsilii Ficini Florentini, Nuremberg, Antonius Koberger, 1497, livre 1, f.42r]
Mais Nostradamus transforme "sepe" ou "saepe" en "sape", et "laus" signifie aussi l'estime, le mérite,
si bien que la boutade nostradamienne peut se lire :
"Sache en effet que le mérite est d'autant plus grand que <la vie> (vita) est brève" !
La suite du texte justifiant qu'il n'est question dans cette adresse que de la brièveté de la vie du roi.
*** Laurent de Médicis (1449-1492), bisaïeul de Catherine de Médicis.
**** après la Pronostication pour l'an 1564, probablement déjà adressée au roi de France.
[*1v]


Le Calendrier des lunes [*2r-*8r]

JAN
02 NL à 22° à une h. 8 minut. apres midy 22 deg. & 4 min. de cappric(orne)
09 PQ à 29° apres midy à 39 deg. 39 minut.
16 PL à 6°  à 5 heures 48 minut. apres midi 16 deg. 26 min. de leo
24 DQ à 15° à 4 minut. apres midy 14 degré
30 NL à 1°  à 14 h. 39 minut. apres midi

FEV
07 PQ à 25° à 7 heures 40 minutes apres midi 25 deg. 4 min. de taurus
15 PL à 10° à 17 heures & 10 mi. apres midi
23 DQ à 29° à 19 h. 42 minut. apres midi

MAR
02 NL à 21° à 1 heure 18 minut. à 24 degré 17 minut. de pi(s)ces
09 PQ à 3°  à 15 heures 52 minut. apres midy
16 PL à 1°  à 19 heures 23 minutes
24 DQ à 7°  à 12 heures 7 minutes qui sera froid humide pluvieux tout mauvais
31 NL à 14° à 10 heures 1 minute

AVR
07 PQ à 26° à 2 heures 7 minutes apres midy humide peu pluye puis beau temps
16 PL à 16° Pleine lune à 1 heure 40 minutes apres midy fort humide & fort mortelle
24 DQ à 23° Pluyes & froid garde le Pere liber, pruina uter.
29 NL à 8° à 17 heures 30 minu. chaude humide

MAI
06 PQ à 17° le premier quadrat à 15 heures 30 minu. apres midy, chaude, humide, avecque changement de temps
14 PL à 25° La pleine lune à 17 heures 5 min. apres midi, plus freche, tandant à ventz pluyes changement de temps
22 DQ à 4°  Le dernier quadrat à 11 h. 2 min. apres midy, pluvieux, tandant à fort bon temps non sans froid
29 NL à 16° La nouvelle lune à 0 heures 52 minut. apres midi qui sera chaude.

JUIN
05 PQ à 21° Le premier quadrat à ? heures 45 minutes apres midi, freche humide tandant à chaleur, secheresse
13 PL à 28° La pleine lune le 13 jour à 7 heures 18 min. apres midi, froid humide, eclistres tonnerres gresles
20 DQ à 28° Le dernier quadrat le 20 jour à 17 heures 43 minu. apres midi, fin de mauvais temps de pluye
27 NL à 10° La nouvelle lune le 27 jour à 9 heures 3 minutes apres midi

JUIL
04 PQ à 11° Le premier quadrat le 4 jour à 20 heures 35 min. apres midi
12 PL à 19° La pleine lune le 12 jour à 19 heu. 57 min. apres midi, frays ventz Aquil.
19 DQ à 23° Le dernier quadrat à 22 heu. 12 min. apres midi, chaud ardant & inflammation, fievres ardantes
26 NL à 2°  La nouvelle lune le 26 jour à 8 heures 39 minutes apres midi, chaude & seche ardantement

AOUT
03 PQ à 13° Le premier quadrat le 3 jour à 11 heures 43 minutes apres midi
11 PL à 24° La pleine lune le 11 jour à 7 heur. 23 minutes apres midi
18 DQ à 3°  Le dernier quadrat le 18 jour à 2 heures 22 min. apres midi, chaud humide atrampé
25 NL à 8°  La nouvelle lune le 25 jour à 6 heures 30 mi. apres midi, chaud sec, pluye & temps muable

SEP
02 PQ à 15° Le premier quadrat le 2 jour à 7 heures 32 min. apres midi, froid humide picquant brouillas
09 PL à 16° La pl(eine) lune le 9 jour à 17 heures 49 min. apres midi, vent froid, changement de temps : mort
16 DQ à 28° Le dernier quadrat le 16 jour à 8 heures 42 mi. apres midi, chault
23 NL à 29° La nouvelle lune le 23 jour à 21 heure 21 minute(s) apres midi, froid sec, brouillas, bruyne

OCT
02 PQ à 18° à 1 heure 10 mi. temps pluvieux variable
09 PL à 23° à 3 heu. 46 min. jour atrampé
15 DQ à 22° à 18 heures 36 min. pluye changement de temps
23 NL à 3°  le 23 à 14 heures 51 mi. pluye, froid, mauvais temps
31 PQ à 9°  à 17 heures 48 min. pluye

NOV
07 PL à 16° à 14 heures 1 min. atrampee, chaude, vent glacial picquant
14 DQ à 28° à 8 heures 8 minutes atrampé par brouillas avecque louable moderation de temps inconstant
22 NL à 19° à 10 h. 5 min. froid picquant tousjours humide, ventz, pluye, neiges, brouillats & temps divers
30 PQ à 14° à 8 h. 38 min. pluvieuse

DEC
07 PL à 25° à 0 heu. 10 min. atrampee & fort, muable, inconstante
14 DQ à 2°  à 1 heu. 13 minutes apres midi, froid sec glacial, vens pluyes par tout son cours
22 NL à 8°  à 5 heu. 23 min. apres midy
29 PQ à 7°  à 20 heu. 35 min. apres midy


L'An apres la creation du monde, selon la parfaite
supputation des chronographes * 6565 & de la nativité
<de> nostre Seigneur IESVSCHRIST 1565 nous tiendrons pour
Nombre d'or VIII          Ciecle solaire  VI
Epacta XXVIII              Lettre dominicale G
Indiction Romaine ou lustre Romain VIII jusques à 27 Septembre, puis apres lx
Intervalle entre Noel & le dimanche gras ix sepmaines vi jours.

Les festes mobiles selon la vraye supputation & usage de l'eglise Romaine.
Septuagesime 18 Febvrier   Les cendres 7 Mars
Pasques 22 Avril           L'ascension 31 May
Pentecoste 10 Iuin        La Trinité 27 Iuin
La feste Dieu 21 Iuin     L'advent 2 Decembre
Pasques des Hebrieux sabmedi 17 Mars

            Temps de nopces
Du 14 Janvier jusques à 17 Febvrier, & à 30 d'Avril
jusques à 27 de May, aussi du 18 Iuin jusques au premier
Decembre, les nopces & mariages selon l'ordre Romain
se peuvent celebrer.
Sera eclipse de lune un Me(r)credi septieme de Novembre
environ 9 heures à nous, que seront 13 heures 37
minutes apres midi, au 26 degré de Taurus, & du
commancement jusques à la fin seront 3 heures 16 min., sa
profondité & demeure en tenebres seront heures 0 minutes 0
& xi pars de la lune seront eclipsees & 20 mi de stella
crinita, quae apparebit de terrae motu. De hoc alias.

Les Foyres de Lyon. La 1, le lundi apres les roys. La 2, le
lundi apres Quasimo. La 3, le 4 d'Aoust. La 4, le 3 Novemb.

* Avec une date de la Création en 5000 BC, comme dans l'almanach Odo pour l'an 1567.
[*8v]


⚹ AETERNO  AC  ☽  P. D. O. V. Y. S. *
L'ALMANACH  POVR  L'AN  MIL
cinq cens soixante cinq avecques ses amples
praedictions, composé par M. Michel
Nostradamus, Medecin du Roy,
docteur en medecine à Salon
de Crau en Provence.

IANVIER, 1565 [sic] **

Cent fois plus pire estre cest an que l'an passé,
Mesme aux plus grans du regne, et plus clairs de l'eglise,
Maux infinis leur Voir, mort, exil, ruin' cassé
A mort grande estre peste, pluye, playes, gresle, bise.

AV nom du grand Dieu eternel *** & de notre Sauveur
Iesuschrist, vray sauveur excelse & glorieux,
qui nous fait produire & manifester les
causes par lesquelles nous venons à predire les
futures adventures, jouxte le parfait jugement
des astres, mesmes les causes desquelles en estions privez
que par la description nous sont manifestes par une certaine
ignorance beluyne, ou plus tost bestiale, tant de temps
ayant occupé le sens de plusieurs, & ouvert tellement les
espritz que nous à [a] fait cognoistre par la cognoissance des
astres le jugement parfait à nostre intellect : & faisant les causes
estre de non estre, & par le nombre des estoilles nous donnant
à cognoistre en nous envoyant le mouvement sus le re/pos,

* P. D. O. V. Y. S. au lieu de P. D. O. V. V. S. en page de titre.
(sur la signification de cette formule, cf. CN 223).
** Il s'agit en fait des présages pour l'année, et non du mois de
janvier, qui suivront en B5r avec le quatrain pour janvier.
*** Le "grand Dieu eternel", c'est le Soleil, Sol Deus !
[A1r]

en nous faisant entendre & apercevoir les causes cogneues
par les longuement de nous esloignees & incognues.
Et en outre ce souverain plasmateur, ce qui est procedé par
matiere à nous à demy incognue, faisant produire par
nous des deux luminaires toutes choses sensibles & generees :
mesme tout ce que par nostre vertu visive nous pouvons
comprendre à presager : ce que par le nombre infini des
estoylles le Ciel nous vient à presager. Si est ce que le sens
de l'estimative & les profondes cogitations de la profondité
de ceste science me vient à offusquer la veuë, que je suis
plus tost en plaine deliberation de me desister du presage de
la presente annee 1565 que de la manifester, (car les astres,
jouxte les signes celestes nous manifestent de merveilleuses
adventures advenir dans ceste annee), pour ne donner
occasion à plusieurs qui ne cessent de donner perturbation
au monde : mais il faut que necessairement ce que les cieux
demonstrent qu'il soit auparavant de beaucoup manifesté que
par iceulx luminaires celestes selon leurs mouvemens nous
venons mettre en cognoissance de plusieurs. Ce qu'en
l'entendement de plusieurs ne peult entrer. Creavit salvator
excelsus & gloriosus luminaria illuminantia universum orbem
& stellas : que le tout justement accordé demonstre que ceste
annee icy ne sera guere moins difficile à passer que l'annee
precedente si d'avantage elle n'est : Et que aux regions
& provinces où les grands tumultes & seditions ont esté
que commenceront quelque peu à s'appaiser : & qui
descouvrira par plusieurs royaulmes de l'Europe, mesmes que
le plus que s'apparoistra, sera entre les Chrestiens.
Car pour le seur ceste annee icy demonstre advenir presque
universellement par toute l'Europe, mesme en Espaigne,
[A1v]

toute l'Italie, la France, des factions de la precedan<te> anne<e> :
mais veritablement sans comparaison de beaucoup de troubles,
querelles, discordes & seditions & que le tout redondera
à la sublimité, auctorité, puissance, domination, preeminance,
ampliation du regne & en plus grande puissance
que jamais des roys, monarques, princes & souverains
seigneurs & à la totalle decadance du commun populaire, des
personnes de bas & de infime estat & d'autres infimes &
rebelles à l'encontre de leur roy : desquels la plus part seront
exilés, bannis fuitifs, profligés & extorrés & qu'ils souffriront
la plus extreme calamité qu'ils feitent jamais. Puis la plus
part se voudront dresser alencontre de leur monarque, que
puis apres seront de toutes parts environnez & envelopez
comme dedans les retz : Et que d'aucuns en se cuydant sauver
en autres regions estranges, là seront plus affligés que
dans leurs provinces. Veritablement la chance de plusieurs
sera du tout changee au rebours. Et de faict les astres
demonstrent que ceste annee sera de beaucoup plus pernicieuse
& dommageable que la precedante, pource que Saturne
& Mars particulierement par diametre sont opposantz l'un
de l'autre. Mars en la partie Occidentale : & Saturne en l'Orientale,
qui est necessaire. Dieu sur tout : que devers les parties
orientales quelque grand vieil soubz pretexte de je ne
scay quoy de quelque pacification, fera griefvement esmouvoir
Mars devers les regions Septentrionales & Occidentales
que sera cause de conciter secrettement de grandes haynes,
querelles, discordes, inimitiés & diffamations, calumnies,
divers rapportz, que guieres ne se faudra que ne tourne
une mortelle guerre : ce que un million de personnes qui n'ont
pas l'ame en bon lieu. Et de fait cecy demonstre advenir
[A2r]

aux plus grands de toute la Chrestienté que de faict sera un
cas piteux à voir, & les querelles & discordes d'inimitié
qui sont manifestees par les astres advenir. Ce seront aux plus
grands du monde tant à ceux qui se trouveront constitués
en regne, monarchie, principauté, domination, charge, autorité,
sublimité, & non pas seulement à ceux de la dignité de
l'eglise, & mesmes à ceux qui seront de la plus grande dignité
de prelature & autres de la hierarchie, un Estat tresinfelice
& plus que calamiteux, avecques une infinité de maux &
de miseres, de facheries, d'angoisses, de tristesses & d'autres
asses tristes evenemens advenir tant à leurs personnes,
biens que dignité & honneurs. Et ne cuidez pas
que la plus part de telles factions proviennent tant seulement
entre les C[h]restiens tant pour la diversité des sectes
& religions que observations legales, mais aussi demonstre
estre plus grandes beaucoup sans comparaison entre
tous ceux de la nation barbare, qui est mahumetique : & entre
eux de grandissimes divorces, que non tant seulement
entre les Chrestiens, mais aussi entre ceux de l'aristograrie *
& democratie diront tous RELIGIO PEPERIT SCELEBRATA [sic]
AT QVEM PIA PACTA. ** Et de tous coustez
se complaindront de tant de diversité de sectes : combien que le
tout redondera à un but & poinct principal, qui est la
veneration de Dieu. Et je me doute que si Dieu de sa bonté &
misericorde n'y met la main, que ceste annee nous sommes pour
voyr des plus merveilleux evenemens qu'advindrent jamais
entre les humains vivants. Car aux lieux des plus petites
monarchies le magistrat se dressera avecques le consentement
de la conjuration des plus grands, tant de la cité

* néologisme : l'élite des propriétaires ruraux
** "scelebrata" [sic] pour scelerata : "La religion a engendré
des arrangements plus criminels que justes" !
[A2v]

que des autres lieux : & se trouvant tout à un coup qui
contraindront leur Duc & monarque de s'enfuir & de sauver
sa vie par les piedz. Aussi par l'extreme cruauté & exaction
tyrannique de plusieurs monarques en l'Italie seront raliez
des plus principaux qui seront à la conjuration de la mort
de leur monarque, ou plustot satrappe. Les uns seront
decouverts à leur grandissime honte, vergongne & mort
publique & ignominieuse : des autres qui sortiront en plein
effect, qui osteront du milieu par embusches & insidies, ne
pouvant souffrir la ignominieuse servitude à leur liberté
restituée : demonstrant en cecy devers les bisantins une grieve
decadance du regne & de la monarchie Morisque par
divisions & discordes grandes entre eux. Et ce nonostant que
la pestilence sera en plusieurs contrees & regions, qui sera
furie(u)se par tout, si est-ce qu'elle ne cessera que la plus part
des plus grands ne soient fachez & grandement endommagez :
mesmes aussi de plusieurs gouverneurs de provinces
que pour quelques secrettes conjurations les unes autant
proches de verité comme les autres en seront eslongnez, que les
uns seront desmis de leur auctorité & preeminance, les autres
que par aucunes conjonctures, & par lettres trouvees par
aucun tenant la main : que puis secretement par constitution
prisonniers, & emmenés devant leur Roy, là où est menassé
la ruine d'(a)ucuns plus grands, leur mort, leur fuite & leur
bannissement tant voluntaire que involuntaire : les maux &
les grieves calamités que nous voyons s'aprester de venir,
& que ceux à qui plus les effets de mauvaises inclinations
des astres demonstrent advenir. C'est aux plus grands pour
ce que icelle opposition de Saturne & de Mars fera que
plusieurs inimitiés, discordes, haynes, querelles, meurtres
[A3r]

nai/tront entre iceux plus grands. Puis apres que la plus part
d'iceulx plus grands à demy s'acorderont & sous pretexte d'un
faulx accord par dissimulation exterieure fera que le commun
plebe, & tout le populaire par une infinité de compagnies qui
passeront & repasseront de tous coustez, quand les uns auront
passé, cuydant en estre dehors en viendront davantage qui denoreront
[redoreront?] ce qu'aura esté delaissé, & tandé nihil reliqui, que
le poure commun populaire se trouvera totallement molesté
& oppressé de tous coustés, que l'on ne saura plus où &
à qui se retirer : que les yeulx & les mains au ciel, fera ses
exclamations sur ces entrefaictes pour quelques execrables
cruautés & diverses inhumanités & autres faicts divers
plus que abominables qui auront esté commis par plusieurs
detestables & sanguinaires qui seront prins, les uns captifs,
les aultres fuytifs, les aultres qui seront esvanoys, tellement
que les acclamations des comedies apres ces extinctions seront
resuscitees : & erit miserabile fatum * : que puis apres les
secrettes conspirations & les clandestines conspirations seront
du tout descouvertes à la plus grande admiration de la
plus part du monde. Et la plus part de ceulx qui ex malo &
detrimento publico ** se seront faicts riches, cognoistront quod
male parta pessime dilabuntur.*** Continuellement veilleront
plusieurs comment & par quel moyen l'on pourra susciter Mars,
qui ne sera que à demi captif. A l'encontre des plus grands
seront quelques malins conspirateurs, mais ne seront du tout
exempts de grandissime discrime de leur vie par diverses embuches
& insidies. Sed cor regis in manu Dei est ****, & seront les
roys preservez de toutes telles desastres & infortunes tant
de guerres, invasions que de pestillances qui seront grandes :
que plus en sera dangereux le commun populaire que tous

* "ce sera un destin pitoyable"
** "par malversation et détournement (au détriment) du bien public"
*** "qu'un bien mal acquis ne profite jamais" (Cicéron)
**** "le coeur du roi est dans la main de Dieu"
[A3v]

autres personnes d'estat. Par les quatre figures celestes exactement
accordees fait aparance que la plus grand part des guerres,
tumultes & contentions seront pour cause de femmes qui
donneront un commencement à la plus part des esmoutions
& mutations de toutes sortes d'estats & à la parfin ce seront
elles mesmes qui se trouveront les plus fachees que nulz autres.
Que si par aulcunes annees precedantes les astres demonstroient
de grandz & divers vefvaiges, si est ce que ceste annee
1565 par plusieurs aultres infortunes par les discordes
des plus grands que par les maladies & pestillances elles ne
soient en gueres moindre nombre. Et si menasse en oultre
devers les Orientaulx & meridionaulx mourir quelque roy,
& plusieurs aultres grands seigneurs & princes mourir en
diverses regions du monde. Et Saturne & Mars configurés
diametralement ensemble menassent mourir un grand nombre
de monde par le fer & le glaive, tellement que par la fureur
& raige des uns à l'encontre des aultres sera faitcte
de toutes les deux parties une grandissime perte, & de
personnes de grandissime importance & de perte irreparable.
La gelee endommagera en beaucoup de lieux, tellement
que Dioynysius pater sera lezé en plusieurs endroits.
Et en cest endroit le grand Albumasar dit que Mars en la
revolution du monde mesme de ceste annee en la seconde &
tierce, que presque une infinité de personnes devers les
Orientaux seront mis en croix & empallez & que devers les
demi meridionaulx & Septentrionaulx de l'Europe seront
pendus estranglés, seront mutilés de leurs membres tant par
commandemens royaux que tiranniques, que par sentence
& editz severes du magistrat, plusieurs coupez pieds &
mains. Scito quod Mars fuerit revolutione mundo in
[A4r]

Geminis. In secunda & tertia abscondentur manus multorum
& mutilabuntur multi. Et ceci s'executera & adviendra durant
tout le printems & aussi durant l'yver. Et ceci augmentera
davantage à l'entrée d'aucuns grands princes &
plus souverains dominateurs du monde, gouverneurs,
administrateurs des provinces, duchés, Marquisats & Contés
& autres gouvernemens d'importance. Et pource que
Capricornus est au milieu du ciel il signifie que les rois, princes,
monarques & souverains dominateurs du monde seront
durant ceste annee constitués en leurs plus haut degré de
sublimité & de plus grande puissance, & que par ceste annee
iceux souverains roys & monarques par moyen de leur
magistrat & de ceux qui auront soin & cure de la justice &
du gouvernement, de la politique, & que leur but ne tendra
à autre fin que de remettre la justice par la paix unies ensemble :
qui est manifestement par Capricornus dans sa maison
propre in medio Caeli : que pour le seur les plus grands
du monde seront obeis de tous leurs inferieurs. Qu'il ne
demonstre estre de grandes secrettes invasions des princes les
uns contre les autres, si faict, & de bien grandes. Aussi que
des plus grandes Cités tant maritimes que fluviales qui se
donneront le tiltre de Republica liberata, par des plus grands
du monde & monarques seront assaillies tant par mer que
par terre. L'obsidion & assiegement sera si grand presque
reduit à grande famine, puis par paches & conventions les
sieges ostés. La teste du dragon in sagittario significat
afflictionem rusticorum Babylonic. à rege suo, & quod gravabit
eos tormentis & injuriis, & etiam quod impedientur omnia
opera ipsorum : & autres empechements qui leur adviendront
avecques detriments, perils de mort & diverses
[A4v]

in/commodités. Ce sera pour cause de gens de guerre, de
chevaux & autres animaux apres au fait de la guerre : signifiant
aussi plusieurs autres regions de France, des Espaignes, d'Italie,
d'Allemaigne, de Flandres, d'Ecosse & d'Angleterre signifiant
diminution de toutes substances, indigence & povreté
des plus riches, & grande occupation de maux en
tous estats. Et la plus part de tout cela adviendra des parties
desquelles plus on se doutera. Et aussi qu'il demonstre que
la plus part qui ne se douteront point d'aucun mal, ne
detriment advenir que de là proviendra le plus eminent & le
plus perilleux. Et que de ce que l'on se gardera & doutera rien
n'en adviendra : & le plus grand mal que par ceste revolution
du monde soit menassé, est à cause des freres & beaux freres
& de seurs & belles seurs : mais des freres sur tout demonstre
quelque grand evenement malin & portentueux advenir : que
les uns assailliront les autres, & d'autres asses divers evenemens
bien estranges, que l'on dira. Et haec est fides. Et estant
la queue du dragon dans le signe de gemini signifie que toute
la plebe rustique se viendra exalter & calcitrabunt & salient
contra regem, & quod in partibus Babylonicae & orientis
deludent eum & insurgent extra milites atque divites eius
atque vicarios & gubernatores cum apparitione lasciviae &
fornicationis, honneur entre les hommes & deficientur religiosi,
& Deo servientes vilipendentur. Et cecy apa(r)oistra à la
fin du printemps de l'annee plus que en autre temps. Et qui
est d'avantage que par plusieurs deffaux & indigences des
maistres superieurs & de ceux qui obtiendront de grands
possessoires, plusieurs serviteurs, servitrices & beaucoup
d'animaulx de labeur & par defaut de vivres & de bonnes &
deuës administra(t)ions à ce que leur apartiendra que seront
[A5r]

tel/lement foybles, paresseux & debiles qu'ils ne pourront faire
accomplir l'ample vouloir de leur maistre & dominateur, &
aussi que tant de serviteurs que d'animaulx mourront beaucoup.
Et de faict il demonstre un grandissime detriment advenir
en toutes sortes d'animaux. Aussi demonstre pour cause
de la queue du dragon, qui est dans la xii [12e maison] de la figure du
printemps demonstre que plusieurs seront bannis, exilés & mis
en prison, & que sortiront hors sans y faire grand demeure.
Ceulx qui seront bannis & exilés retourneront dans leurs
maisons sains, sauves, & du tout pacifiques. Et de faict la
cauda draconis fait apparence que durant le printemps la
constitution du temps sera fort bonne & fort temperee, & que
l'yver qui sera precedant sera froid, sec, & se porter concorde,
constance & fort long & froid, que en tous les quatre temps
de l'annee seront faites grandes inondations. Aussi que à l'endroit
du changement du magistrat plusieurs des robes longues
qui seront par diverses intelligences changez, dechassez, remuez
se conjureront l'un l'autre. Les dechassez secrettement
conciteront la plebe à s'esmouvoir : & peu s'en fauldra qu'il
ne se face : mais qu'ilz auront crainte de ce que leur aviendra.
La pestilence sera en une infinité de lieux & regions, qui en
partie troublera le regne & en partie le pacifiera du tout. La
plus part d'aucuns sedicieux se retrairont, s'assembleront à grand
trouppe. Mais le tout sera promptement estaint & exterminé &
reduit à l'obeissance de leur Roy, l'une partie cum misericordia
& sine misericordia : demonstrant en oultre provenir quelque
grandissime cas merveilleux, cent fois plus que admirable
& sans comparaison : qui procedra ou de vengeance, de ultion
de quelque secrette ire que quelques uns auront secretement
dedans leurs coeurs pour se venger de quelques adventu/res
[A5v]

provenues par les morts. Mais cela se trouve tant obnubilé
que à peine par le jugement des astres s'est peu manifester [sic].
D'un point il faut estre asseuré, qu'en plusieurs lieux
secrets, abdites & occultes, c'est que quelque grandis(sime) fumee
le parfumant continuellement, que devant presque que les
presentes predictions soient divulguées, ou bien peu apres
s'alumera tout à un coup, non sine magno malo seront
descouvertes de prodigieuses conspirations & conjurations
pour exploiter le faict procedant par iceux morts, non point
qu'il procede pour heriter les biens des deffuncts non [noms?],
mais illatae vindictae. Il est bien vray que par la figure de
l'automne de Saturne dans la huictieme maison, qui est maison
de la mort & des heredités des morts, de poisons & d'autres
malignités occultes, de plusieurs parties se machineront
de grandes trahisons, de fort grandes calumnies les uns contre
les autres : & si ne deffaudront qu'il y aura de grandes
personnes au faict de la dignité de prelature qui essayeront de
tout leur pouvoir & devoir de remettre au sus ce que tant
de temps a esté desiré : qui eu la paix : que par un peu de temps
une partie se viendra appaiser. C'est que l'eglise commencera
de venir en exaltation. Puis apres viendra Saturne que
tout à un coup viendra destruire tout ce que Iupiter avecques
Venus auront fait. Et seront les discordes, vengeances,
les ires, les inimitiés & malveillances pires qu'elles n'ont
esté auparavant. Car Mars tout manifestement que par
occultes insidies viendra hostillement tellement exasperer
que pour lors que l'on cuidera estre du tout pacifique, ce sera
lors que l'on se verra environné de tous coustez de guerres,
garbuges & mortelles inimitiez. De ce que adviendra
Dieu vueille que le tout soit pour bien : & bien ne peut estre
[A6r]

propter aeternam servare iram. Aussi que des plus grands
monarques des Chrestiens des regions Germaniques qui
subjugueront des plus grandes citez maritimes faisants un
nouveau change, tellement que quelques resistances que
l'on face, que à la parfin sera frappee la monnoye sub
nomine IMP. CAESARIS AVG. DVCIS etc. Que aussi par
plusieurs autres evenemens aux citez & plages maritimes
que par les invasions barbariques seront grandement
molestees : combien que presque toute l'annee sera pluvieuse
devers les regions contigues aux montaignes,mesmes par tout
les monts Pyrennees, & de ce que par les gelees aura esté gasté
de ce peu que sera demeuré par les grandes & frequentes
gresles, si Dieu par sa grace n'y met la main, nihil reliqui.
Les pleyes seront si grandes & tant diverses sur les humains
que ce sera une trescalamiteuse desolation tant par playes
de guerres, de diversité de sectes, de regne, de famine, de
pestillance, de (in)ondations, de submersions, de naufrages, que
à la plus grande partie de l'Europe adviendront, ne comprenant
de grands tremblemens de terre qui adviendront aux
plus profons orientaux de l'Affrique & en l'Asie beaucoup
plus : & si grandes seront les pluyes aux plus grandes citez,
que plusieurs par le tramblement de terre corrueront & se
esmouveront : aussi en icelles regions mesmes par aucuns lieux
solitaires & farouches plusieurs bestes sauvages, especes
de serpents & autres animaux reptiles que les endommagera
de beaucoup, & en icelles regions les playes seront si grandes
que ce sera un cas piteux & deplorable, & seront une
infinité de rouillures non de fer ne de metaux, car le monde
sera tellement esmeu à guerres & seditions qui garderont bien
que les i(n)strumens servants au faict de la guerre ne se rouille/ront
[A6v]

point : mais telles rouilleures que les arbres par diverses
vermines, abondance de chenilles, de cosins, une infinité
d'animaux volatilles & vermineux que l'on souhaitera
plustost l'yver venir que l'esté ne l'autonne : & nuls autres
evenemens que les astres nous menassent venir, & nous assaillir
de tous coustez. Car les frequentes pluyes qui seront cause
que, selon Democritus en ses hebdomades, bledz & vins
seront en abondance grande, & pour mieux entendre où
la plus part de cecy susdit adviendra, ce sera aux parties
meridionales de la terre par tous les lieux maritimes d'Asie, la
moindre aussi en Cipre, Mede, en la Perse, in Campania Italiae
en Rotie, Suisse, Lorraine, Solongne, Sienne, Mantoue, Tarante,
Parme, Panorme, ou Palerme, Capue, Salerne, Veronne
& en plusieurs regions de l'Occident, en Babilone, en
Hongrie & Espaigne & aux lieux particuliers. Les eglises, les
palais, les lieux privilegiés & les personnes de religion lezés,
que pour le seur aux regions, provinces, villes & cités susdites
seront grandement fachés & molestés de ce que dessus.
Aussi devers les plus profons orientaux & en la plus part des
regions & provinces de l'Affrique les especes de serpens à
la plus grande ardeur de l'esté se leveront en si grand nombre
& d'autres reptiles, comme par bandes que n'oseront sortir dehors
des villes pour la grande fureur venimeuse de telz animaux.
Et combien que toute la Primevere soit par trop humide,
si est ce que devers les regions du premier quadangle en
divers lieux, mesmes aux regions orientales que les sauterelles
& locustes seront en si espoisses trouppes que consumeront
tout ce que se pourra trouver sus terre : & des autres
animaux domestiques en si grande abondance que leurs
ennemis mortels ne les oseront aller assaillir. Aussi qu'il
[A7r]

de/monstre la mort de quelque grande monarque & Royne ou
dominatrice d'un grandissime regne. Aussi que de la plus
part de tout ce que sera semé se corrompe & se gaste : tellement
que presaige dans l'annee plus tost sterilité que fertilité. Et
aussi que seront faictes de grandes extorsions, ravissements,
pilleries, volleries & brigandaiges des ennemis & adversaires
les uns à l'encontre des autres. Car de vray il demonstre
une grandissime penurie de tous fruicts, principalement
des fruicts que l'on seme : deinde supervenient parturientibus
& peregrinantibus damna, pericula & diversa incommoda :
acompaigné le tout avecques une grande pestilence,
d'une precedante famine. Et aussi qu'il est menassé que dans
ceste annee seront de grandissimes varietés de temps par
estranges qualités de l'an : car il ne peult estre aultrement que au
commencement de l'annee, & devers la fin de l'an ne soit un
temps d'une extreme froydeur de glaces, de gellees, & que
icelle pruyne, gellee & verglats yront avant dans le printemps :
que plusieurs des fruicts de la terre seront grievement
endomaigez & c'est aux fruicts des arbres, & aux semences
ne sera le tout que grandement profitable, & aux agriculteurs,
& à tous ceux qui font profession de l'agriculture. Car il presaige
que de tous grains en sera beaucoup, mesmes frumenteux :
vray est que devers les regions septentrionales & occidentales
par toute la Bretaigne & la Germagnie sera une grandissime
abondance de tous grains & par l'abondance des pluyes
seront gastez : mais ce nonobstant l'abondance sera grande,
& toutesfois Saturne retrograde en signe fixe vient à demonstrer
tout le contraire avecques peu d'huille & peu de vins
& de pestilantes maladies, & de grande contagion provenantes
de trop de sang : que sera heureux qui sera saigné. Car
[A7v]

le sang abondant par phlegmes se corrompra : qui sera cause de
telles fievres, qui sera cause la plus part d'engendrer pestillantes
fievres & autres fievres de grandissime malignité. Et
puis qu'il ne peut autrement estre que les plus grands tant
de la patrie de hyerarchie que de la temporalité que les
factions ne soient fort grandes. Et Iupiter fera tant qu'il mettra
Saturne par le moyen de Mars en la fange & profondement
dans la boue, & puis le lairra là, l'en oste qui voudra.
Cependant Mars sortira en partie de captivité : & sous umbre
de vouloir frapper là, ira fraper ailleurs. Et tout tumbera sus
la teste du bon Iupiter qui ne secourra que de peu, à la parfin
tous deux n'y auront guieres de proffit. Et les plus qui y
auront proffité seront les martiaux : combien qu'ils en seront
diminuez de beaucoup, si est-ce que tout le proufit leur
demeurera. Dieu par sa grace vueille preserver le sexe feminin :
que je vous asseure que plusieurs grandz & sinistres evenemens
leur est presaigé tant par maladies que part autres divers
evenemens bien furieux & estranges. Et puis Mars
dans la septiesme qui est un signe mobile qui vient à presager
une infinité de lites & nouveaux procez : & la plus part
des lites & des procez qui adviendront seront pour cause de
nopces, de mariages de femmes, & d'ennemis publiques, &
pour la cause principalle des concitateurs de noises, de querelles,
de debats & d'autres divers evenemens fort estranges,
& pource que Saturne & Iupiter sont conjoints in leone
en la premiere maison, significat quod litigabunt &
interficient se reges inter se contendentes : & accident hominibus
magni terrores, damna, pericula, incommoda, & diversa
derrimenta. Et de faict ceste conjonction nompas [sic]
corporelle de Saturne avecques Iupiter menasse des fors &
[A8r]

pe/rilleux dangiers entre les plus grands du monde qui se
gueroieront si furieusement les uns à l'encontre des autres, que
ce sera un piteux cas advenir. Quia Saturnus junctus cum Iove
semper significat lites & discordias & grandissimes
querelles non sans discord d'une grande, les plus grands
avecques les autres. Et demonstrant aussi que devers le païs
de Venize, de Padoue, les lieux, villes & cités circonvoisines
signifie que les personnes de ce climat & de la circonvoisins
la Romanie & autres qui seront en repos, quietude, paix,
amour, union & tranquillité & en fort bon estat, & qu'ils feront
de grands voyages & peregrinations par mers & par terres :
hormys que les plus puissants d'icelles contrees se douteront
& ne voyageront guieres. Et ceux qui feront estat d'ambassaderie
& legation en divers royaumes, monarchies & principautés
feront felicement leur devoir, & auront des rois
grands dons & presens & une treshonnorable recompence.
Et les plus grands d'icelle contree despandront profusement,
& s'adonneront à despendre largement : & tout bien, toute
ample felicité apparoistra en leurs maisons. Et pource que
Saturne n'est pas constitué en trop bon estat, pour cause qu'il
s'en retorne en arriere, menasse de dommage & empechemens
au corps des hommes, maladies & infirmités, de froideur
& de melancolie, & la plus part de cecy advenir à Baviere,
Saxe, Romandiole, Constance & par tout le premier
climat : & aussi que les regions, provinces, villes & Cités du
second climat appartenant à Iupiter auront fort bonne fortune
& feront de grands gains de toute parts & qu'ils auront
santé en leurs corps & auront de grandes joyes & de
grandes alegresses, & qu'ils se resjouyront avecques leurs
plus proches parents & amis & des autres de regions loin/taines
[A8v]

& d'une partie & d'autre auront du bon, mesmes avecques
les plus gens de bien & les plus honorables & avecques
les personnes religieuses, lesquels sont honnorés &
merveilleusement bien receuz d'un chacun à fort bon pris. Et de
nouveau l'on viendra à dresser, eriger, construire & reedifier
de nouvelles eglises, temples & oratoires, redo(n)dant
le tout à l'honneur & louange de Dieu & de ses saincts : &
demanderont les hommes sapience & loix : mais à cause
que Iupiter est quelque peu infortuné pour sa retrogradation,
signifie aux professeurs de l'eglise diminution grande
de leurs substances : qu'ils meneront une vie fort estroicte,
austere, diverse de leurs meurs, nature, qualités & conditions :
& que plusieurs d'entre eux desisteront de la bonne
voye, & apostateront : & que les personnes desisteront à
leur faire bien & leur donner aumosne. Aussi demonstre
que les roys, princes, prelatz & les plus souverains dominateurs
penseront de leurs personnes, de leur santé, & auront
curiosité grande de maintenir & soustenir leurs regnes,
terres, principautés & dominations & leurs subgets
comme leurs personnes :  & le plus de soin, cure & solicitude
que les roys auront & les monarques, ce sera de remettre,
maintenir & soustenir, garder & observer que la
justice & leurs magistratz soient au sus : & que soit observé
le tout jouxte les loix de droict, à celle fin que par icelles
loix juridicques ils soyent craintz, redoutés, reverés &
soustenus en leurs regnes. Vray est que les roys auront plus
beaucoup de soin, cure & solicitude de leurs plus proches
de sa maison que du peuple. Et combien qu'il demonstre
beaucoup de biens advenir, de utilités, de profictz, d'alegresses,
que les enfans par dons, delectations & diver/ses
[B1r]

delices & voluptés, si est ce qu'il demonstre que des
plebees & des autres de moindre estat seront prins &
empruntés de leurs biens. Et aussi qu'il demonstre que tout
le peuple sera grandement curieux & grandement plein de
toute anxieté & grieve solicitude comment est ce qu'il
pourra payer les subsides, les rantes, les revenus, les
censives, & un million & infinité de charges que leur seront
imposees : & seront constrainctz de payer le double : & par
milles exactions le peuple sera vexé & plus que molesté,
que l'on leur demandera plus au triple que leur bien ne
porte.* Et en cecy dit le grand Albumazar que au commun
populaire pro ratione facultatum accident eis magnae
tristitiae [?], & quod reges laborabunt & cogitabunt congregare
substantiam & facere thesauros, recipere xenia & dona,
& erunt cupidi & soliciti in conquirenda dominia & substantias
alienas. Et doit on entendre que ce qui plus nous est
menassé est pource qu'il est diametralement opposé à Saturne,
que de vray il sera cause de grandes inimitiés, de grandes
discordes : & sera cause de grandz meurdres & de grandes
interfections. Dixit magnus Albumazar, Si Mars in
revolutione mundi fuerit in septima & omnino malus &
damnosus, quia significat inimicitias & diversas discordias
& magnas. Et accident hominibus furta, interfectiones ac
contend(a)tiones multae & rixae in illo anno. Et principalement
advenir in Sarmatia, Getulia & Lombardie & par tout
le tiers climat. Et d'avantage sera Mars que aux plus grandes
cités leurs thresors, leurs armes & leurs libertés seront
tollués & privés de leurs privileges, & que eux mesmes en

* Intemporel, ou de proche actualité ?
[B1v]

seront cause : vray est que du tout sans trop de rigueur se
commettra. Et pource que de tout cecy qui est dessus escrit,
demonstre advenir au premier & second quadrangle,
là où est une infinité de villes, cités, regions & provinces,
tant de l'Europe, Affricque que l'Asie rempliroit trop de
papier, je ne les mets par escrit, que seroit trop long, mais
les advantures de ceste annee seront si diverses & si malignes
qu'il n'y aura contree ne region en l'Europe & en la
plus part de l'Affricque, qui ne s'en ressente de ce que les
astres nous viennent à presager. Dieu est sur tout. Le soleil
toutesfois dans la neufiesme significat quod itinera erunt
bona in isto anno, & sine periculo, & habebunt homines
bonum & utilitatem in itineribus, legationibus &
peregrinationibus & in omnibus perturbationibus, & diligent
legem, sed habebunt magnam dilectionem ex mulieribus,
& retrahent se hominus a vitiis & voluptatibus corporis.
Et demonstre aussi que plusieurs estans forvoyez du vray
sentier de verité, se recognoistront & lairront le dire &
prendront le faict, considerant plus grande salubrité de l'ame
demeurer de genouz que d'estre si longuement assis.
Et combien que plusieurs d'entre quelques religions ne
veulent recevoir le jugement celeste, Coeli enarrant gloriam
Dei : & qui numerat multitudinem stellarum, & omnibus
eis nomina vocat. Mais nous dirons comme dit Lucrece,
Religio haec peperit scelerata atque impia facta. * Mais
cecy ne peut entrer en leurs testes, qui hanc scientiam
culpandam & post ponendam esse dixere, licet frivolas aliquas
tamen occasiones habuerint. Sed magna fuit eorum deceptio.
Que si parfois l'on vient à errer, comme parfois porte
l'humaine fragilité de l'homme, ne s'ensuit pas pour cela

* Lucrèce, De Natura Rerum, I 83, hors contexte (comme en A2v) :
"religio peperit scelerosa atque impia facta"
(la religion a engendré des actes impies et criminels)
[B2r]

que toute ceste science soit mesprisee. Si est-ce que, selon
qu'il me semble à la calculation de cette matiere, je y vay
le plus songneusement qu'il est possible de faire, accordant
les uns avecques les autres, non sans longues & grieves
vigiles. Quoniam igitur hoc ita est, non quia quandoque
in ea fallimur, tota vilipendenda est, & destruenda haec
scientia, comme plusieurs resvent d'aucunes religions, ont
murmuré & ne cessent de mordre calumnieusement : mais
il ne faut consommer le papier à ceci : mais il faut emploier
à presaiger ce que les astres nous predisent, demonstrant
que depuis le premier jour de l'an jusques au quinziesme
de Iuin la plus part des hommes se porteront bien avecque
les femmes, & celebreront de grandes nopces, & feront
contractz de grands mariages : que par telles conjonctions
& alliances d'une partie & d'autre de joyes, alegresses,
rejouyssance & bonnes fortunes & de tout contentement,
avecques delices & plaisirs & dans iceluy terme de temps
prefix se feront de grandes alliances des plus grands : que
les uns redonderont à grandissime detriment : que telle
alliance sera grandement & fort pernicieuse, & que la mort
de plusieurs s'ensuyvra. Et Mercure dans la neufiesme de
l'horoscope avecques le soleil signifie que plusieurs feront
de grands voyages & se translateront d'un lieu à un autre
par diverses regions : que le plus de leur intention sera pour
savoir & entendre leurs loix & leurs sciences par lesquelles
ils pourront parvenir à leur sauvement à la sapience de
leur loy. Et pour estre conjoincts Saturne & Iupiter in
Leone, qui est une manifeste signification que devers les
regions orientales les uns se feront guerre à l'encontre des
autres de leurs contrees & pls proches vicinités. Et d'a/vantage
[B2v]

que soubs umbre de paix & de nouvelles alliances
secrettemnt se pourchasseront insidies & embuschent : les
uns abandonneront leurs princes & leurs roys. Aussi
qu'adviendront plusieurs & diverses maladies de ventre, de toux
d'estomach & de polmon : & en cest endroict icy je me suis
arresté fort longuement, pource que je trouvois dans ceste
annee icy provenir & advenir quelque grandissime cas
espouvantable & fort merveilleux, que tous ceux qui le
verront & entendront d'avoir esté & ainsi estre advenu,
seront surprins d'une plus que merveilleuse admiration &
estonnement, & cecy advenir en plusieurs terres, regions
& diverses provinces. Et combien que du acerbe spectacle
& prodige fort portenteux qui adviendront és parties
orientales, & descendra si bas en intelligeance, qu'il ne
m'a esté possible de savoir ne moins entendre qu'est ce que
sera de natura Saturni, Arietis, Leonis & Sagittarii. Et ne
cuidez pas que demonstre advenir aux plus moindres, mais
aux plus grands & plus puissans, & quelque cas qui sera
fait aux plus grands par le moyen des plus sages, des plus
savans, & par les plus ingenieux. Et re vera in isto anno
ostendentur signa magna & prodigia miranda. Et pource
que ce que demonstre advenir par personnes religieuses
qui exterieurement feront une merveilleuse apparence de
hypocrisie, de saincte religion, une toute nouvelle Epiphanie :
& par un jugement de parfaicte asseurance l'on cognoistra
manifestement de deux grandes parties presque
d'une equalité quelle sera la plus felice fortunee, & de
quel endroict plus grande felicité en sor(ti)ra ou de la face
fainte, ou de la non fainte, que ce sera la discordance. Et
ceux qui plus se trouveront fachez ceste annee par Saturne :
[B3r]

seront les plus aagez, les dissimulateurs de richesses,
personnes de religion, reguliers, personnes infidelles, vieux,
decrepités & personnes rusticques & agriculteurs. Aussi que
d'icy en là plus ne sera procedé par violence, mais le tout par
justice, droit, equité & toute raisonnable ordonnance. Combien,
de vray, que adviendront aux roys, empereurs, monarques,
princes & aux plus grans du monde de grandz
discordez, inimities, querelles, contentions, tumultes,
guerres : & en diverses regions du monde. Aussi que les
roys et monarques orientaulx de la fin de l'Europe, du
commancement de l'Affrique par les princes occidentaulx de
l'Europe seront grandement molestés, fachez & dechassés
de leurs plus grandes forteresses tant par mers que par terres :
mesmes par mer se feront & commettront de grandes
guerres navalles, que la victoire en demeurera aux
occidentaux, & grande decadance à la secte Morisque, &
ruine des barbares par une grandissime union des princes
Chrestiens pour iceluy fait expedition alencontre d'iceux,
que apres avoir soigneusement calculé le tout, demonstre
s'approcher une certaine decadance aux orientaux, mesmes
à ceux qui tiennent le siege Imperial des Bisantins :
qui pour le seur demonstre que d'autant que pour le passé
ils se seroient advancés que ceste annee se reculleront de
beaucoup, tellement que par quelques sieges qui seront
rois, ils seront contraincts d'abandonner le tout non sans
grande honte, vergongne & ignominie, mais pource quod
omnium rerum vicissitudo, l'on verra en brieves annees de
merveilleux changemens devers les orientaux, & Claram,
Rhodon & Mitylenum & Larissam de grandiss(imes)
submersions : & encores plusieurs fois retournera le siege de
[B3v]


Con/stantinople entre les Chrestiens : & pource que Saturne &
Iupiter ne sont gueres eslongnez l'un de l'autre, signifie
que à la parfin les monarques de la temporalité se ralieront
avecques ceux de la hierarchie, pour ceux qui sont
plus orientaux debeller : & ne pourront bonnement venir
à bout de leurs entreprinses : & pendant qu'ils seront
occupés à une contree, les nouvelles leurs seront apportees
de quelques rebellions & revoltes d'une autre contree : qui
les angustiera de beaucoup. Ioinct que ne par mer ne par
terre les effects ne succederont du tout entierement comme
l'on voudra, ne rien ne sortira dehors, ne par mer ne
par terre pour cause de l'inclemence de l'air : par gellee,
pource que l'hyver en son commencement sera froid, glacial,
neigeux & pluvieux avecques grandes pluyes empeschables
& autre inclemence de temps : & le millieu de
l'hyver sera quelque peu attrampé de moderation louable :
mais vers la fin qui devroit estre plus attrempee, sera
pluvieuse & de grandissime froideur avecques de gellees,
qui tiendront un fort long temps les pluyes grandes & de
toute sorte de froydeur & d'humidité, regnera jusques
bienavant au printemps & tant longues & frequentes
seront les pluyes que les grandz fleuves, rivieres, torrentz
& ruisseaux de tous costés desborderont, qui submergeront
un grand païs : & de telle impetuosité seront les grands
fleuves & rivieres que les maisons qui seront proches ou
contigues des rivages, nageront par dessus & subitement
viendront en si vehemente & repentine excroissance que
les personnes à poine auront loysir de s'oster de la fureur
de l'eau : que ceux qui habitent proches des rivieres grosses
[B4r]

qui seront tellement tumefiees de l'abondance des eaux,
que la plus part sera submergé. Et aussi que le printemps
qui ne sera gueres moins pluvieux que la fin de l'hyver, &
que plusieurs arbres qui ne demandent pas tant d'eau
pericliteront. Car les abondantes pluyes luy seront grandement
nuysibles & à toutes sortes d'arbres l'eau sera
dommageable. Et environ la fin de la prime Vere, devers les
montagnes Pyrennees par tous lieux de montaignes le
long des rivieres se dresseront de montueux lieux de
nuees qui seront d'une grandissime noyrceur, comme s'il
estoit nuict toute pleine de gresle & de tonnerres, & qui
dure longuement, qui menasse grandement tout le païs
de Guyenne, une partie du Languedoc, du Perigord, de
Rouergue, venant s'estendre jusques par la Provence,
qui endommagera tout par les gresles : mais que devers la
Provence ne seront si continuelles comme en Daulphiné
& tout le long de Loyre. Et durant l'esté telles gresles seront
si frequentes & des pluyes aussi, le temps tout noir &
tout nubileux, & sera l'esté febricitant de fievres pestillantes,
continues & de grande ardeur de charbons & de bubons
& d'autres maladies contagieuses asses. Celuy qui
par bonne diligence & solertie de bonne estude cuillira
les grains frumenteux sera prudent. La fin de l'Esté devers
l'Autonne, les fruicts qui seront sur les arbres pour cause
des ventz frequentz & violentz s'en perdra beaucoup,
mesmes des oliviers. Par autres revolutions demonstre
l'annee estre salubre : mais prions Dieu un chacun en son
endroit que les fruicts tant de la terre que des arbres soient
par la main de Dieu gardés : que prou de biens seront par
vengeance mis au feu de nuict secretement, & d'autres asses
[B4v]

diverses adventures que les cieux en font tresample apparance,
& le tout par la puissance divine. Astra & coelestem
circuitum habere mentem Pluto * in Epinomide philosopho
non negat, qui a eadem semper agunt. Ego igitur assero
Deum causam esse, nec aliter fieri posse : animatum enim
non aliter quam propter Deum fieri posse.** Et estoit
necessaire que telles raisons fussent donnees aux hommes
pour un juste argument, si par la provoyance que par les
celestes images de Dieu nous est demonstré Iacula praevisa
minus fer ire solent ** : pource que tant par maladies pestillantes,
guerres, famines, nauffrages, tremblement de terre, &
autres diverses adventures, que par le Ciel nous est
demonstré que l'Automne sera grandement dangereux. Quia
aestas erit Veri similis, ne les hommes ne les animaux n'auront
gueres à suffizance de ce qui leur sera necessaire pour
leur substentation ne de boire ne de manger : encor & de
telles maladies & par autres divers evenemens mourra
quelque grand personnage de regne & puissance grande
& d'auctorité,*** le tremblement de terre sera de craindre.

* Platon / Pluton : probable erreur typographique de l'imprimeur
quoique le doute subsiste dans ce contexte particulier.
** "Pluton [sic, pour Platon] ne nie pas, dans le philosophe Épinomide, que les astres
et les mouvements célestes ont un esprit, parce qu'ils agissent toujours de la même manière.
C'est pourquoi moi, j'affirme que Dieu en est la cause, et qu'il ne peut en être autrement :
en effet le vivant ne peut être animé autrement que par Dieu. (...) Les traits prévus ont
l'habitude de heurter moins." (trad. Brind'Amour, 1993, p.97, rev. ; cf. Epinomis, 982)
*** Curieuse fin de prédiction où est annoncée la mort d'un grand personnage
sans autre précision, suivie, non de l'habituelle formule s'en remettant à la
volonté divine, mais d'un tremblement de terre, abruptement agencé.
Prédiction de la mort du pape Pie IV en fin d'année, le 9 décembre 1565.

SIGNIFICATIONS DE IANVIER 1565

Grands pluyes, neiges, roillure, playes grandes,
Au[x] plus grands joye, pestilence insopie :
Grains & semences beaucoup, & plus de bandes
S'appresteront, simulté n'amortie.

PRincipio penes, dum infinitam Dei potentiam
immensa sapientia comitatur in coeli mobiles,
quod quia coelum certo ordine progreditur,
eo vestigio demonstratur quod per iddem semper
rennitur. La nouvelle lune sera le deuxies/me
[B5r]

du mois de Ianvier 1565 à une h(e)ure & huict minutes
apres midy, à 22 degrés, & 4 minutes de Capricornus par
ascendant. Le 7 degré de Gemini, qui sera froyde dessechee,
plus ayant de humidités que de secheresses pour cause de
pluyes, vents, neiges, glaces, brouillats & temps divers :
demonstrant quelque cas advenir en outre par freres, soeurs
& plus proches parans de sang & de alliance de consanguinité,
& que les plus grands du monde mettront la main à
quelques evenements au magistrat, à de personnes
d'authorité, & que là dessus quelqu'un des plus grands fort
aagé, avecques quelque grande dame seront ensemble discordants
touchant quelques jugemens justes & tres-veridicques,
que l'un d'iceux ne se voudra accorder, aussi par personnes
de robe longue qui seront ecclesiasticques, avecques
quelqu'un des plus principales occultement se machineront,
ne se pouvans accorder tant pour certain faict de mariage
que pour donner ordre de secretement despecher quelques
expeditions. A la parfin demi accord. L'on ne parlera
que de s'alegrer, resjouryr, faire bonne chere, faire quelques
apprests secrets pour exploiter à la plus proche prime vere.
Significat etiam quod homines per totum anni cursum in
se invicem discordabunt & prosequentur & persequentur se
odio, & cessabunt se familiariter invisere, & detrahet
quilibet alteri : & ceci adviendra par tout le mois de Mars
principalement : jusques au mois de Septembre durera cecy, que
les hommes seront en grandissime discorde & divorce entre
eux, ne se pouvans accorder nullement : & mesdiront
l'un de l'autre, se blasphemant outrageusement, & l'airront
de se visiter par grande haine. Et durant par tout ce mois &
par tout le revolu de ceste lune, pource que la conjonction
[B5v]

est fai(t)e au 22 degré de Capricornus, que l'on maniera &
traittera des affaires de roys, & monarques, de satrapes, des
plus grands gouvernemens des principautés & sublimations
& de toute oeuvre royalle & souverainement supreme
& de exaltation de regne de memoire de voix. C'est assavoir
d'empire & de grande maistrise & de regne des magistrats
& des meres & de quelques uns qui au paravant
estoyent constitués en grande sublimité : que un subitement
luy dira, Philippe homo es : que d'autres mis bas seront
exaltés en treshaute mansion de trosne & de grand boffroy
par voix & audace d'empire & de monarchie.
    Le premier quadrat de la lune sera le 9 jour incontinent
apres midi, que aussi sus iceluy moment on verra un subit
changement de temps à 29 degrés 39 minutes de Aries
pour ascendant. Le 26 degré de Taurus, qui sera quelque
peu attrampé : mais bien peu retournant avecques de grands
froidures, neiges, glaces, vents, pluyes frequentes, brouillars :
le tout accompagné d'une mauvaise constitution de
temps accompagné de petite temperature. Et quod uxores
regum facient bona facta. Demonstrant aussi que durant
ce quadrat les femmes des roys, des monarques & les plus
grandes princesses du monde, mesmes celles qui ne seront
gueres eslongnees l'une de l'autre, qu'entre elles secretement
se porteront hayne & discorde mortelle : toutesfois
une chacune en son endroict sera cause d'un grand bien, &
d'une parfaicte pacification & concorde, hormis que entre
elles significat etiam quod homines in hac revolutione lunari,
multa verba & causas pro lege & grandes discordes :
que à grand peine rien ne se pourra appaiser : mais les roys,
leurs justices, leurs gouverneurs en supreme degré de puis/sance,
[B6r]

& que seront craints, redoutez : & cecy advenir par
les orientaux de l'Europe & meridionaux, & une partie
des Septentrions par les occidentaux significat quod
homines inquirent scientas & physicam & sapientias legis &
secreta scientiae legalis & divinae. Et aussi que ceux qui seront
constitués à 47, 48, 49, 50, 51 & 52 plus haut de latitude
qui se enquerront des loix divines & des religions. Aussi
que par tous les endroits tant des orientaux que occidentaux
que les femmes & les enfans seront en grand peril &
danger de leur vie. Et aussi que leur adviendront plusieurs
detrimens, dommages & grandes incommodités : mesmes
les femmes en sainte pericliteront grandement de leur fruit,
& souffriront de grands labeurs & travaux. Et ausi que l'on
fera de grandes preparatives fort secrettes qui pulluleront
devant le demi printemps ne soyt expiré & l'isle qu'avoit
esté, que fut & puis retournee & encore tentee, officiosa
aliis, pernitiosa suis. Mais ce ne sera que le pastoral profligé
molestera grandement les Corsiques & les Liguriens
& apparebit iterum velut leo, à cause quod Saturnus in Leone
orientalis bonum statum & conditionem rerum ostendit,
& Iupiter orientalis in Virgine sanitatem bonam faciet :
& presaige en son endroit bonne santé jusques au 22
d'Octobre, puis un fort bon temps & bien firme. Et Mars
in Sagittario & Capricorne oriental, menasse pour le seur
que quelque demie captivité qu'il ait qu'il fera esmouvoir
les armes, guerres & de grands tumultes belliques & à l'entree
de Capricornus de grandes secheresses. Venus in Sagittario
orientalis bonum rerum statum faciet. Et avecques
Mercure suscitera de nouvelles obscuritez tant de temps
que de personnes.
[B6v]

    La pleine lune sera le 16 à 48 minutes apres midy à
16 degrés & 26 minutes de Leo par ascendant le 20 degré
de Gemini qui sera venteuse, peu temperee avecques quelque
fort grande malignité de temps, & la constitution de
la quarte de l'annee precedante demonstre que par tout ce
moys seront de grands pluyes, longues, facheuses neiges,
verglats, toute malice de mauvais temps. Et que pour la
constitution de Mars redondant à la premiere, tempore significat
grandes & admodum fremendas formidines, cum gravibus
interfectionibus. Significat etiam magnas lites, occasiones,
sanguinis effusiones in climate Saturni, & in primo
quadrangulo, & illi qui erunt, qui sunt, & qui venient
in terra partitionis Saturni victoriam habebunt. Et qui in
terra villarum de ceux qui seront, aux regions de Leo auront
la victoire, pource que Saturne est Seigneur du temps de
l'annee presente par les maladies reumaticques, apoplectiques,
paralytiques & pleuretiques, plusieurs des plus grands
en seront grievement, ou seront fort molestés, plusieurs en
mourront, & la plus part en eschapperont. Et toutesfois la
proximité de Iupiter avecques Saturne amitiguera la plus
part du mauvais temps, non de la constitution du temps,
mais de la discordance des plus grands qu'ils auront entre
eux, & pour cause qu'aux regions meridionales seront par
quelques repos moderations de personnes, avecque le temps
fera que Mars & les marciaux qui seront enflammés de
fureur & rage chercheront tous les moyens & machinations
par diverses calumnies de faire esmouvoir nouvelles guerres :
que pandant que l'on aura soudé un pertuis, s'en ouvriront
trois ou quatre en plusieurs & diverses parts du monde :
tellement que ceux qui auparavant auront esté cause par
[B7r]

leurs incredibles insolances, derechef seront cause de
retourner esmouvoir Mars & puis de le captiver. Et erunt de
novo anxietates, interfectiones, destructiones & abscisiones
progeniei magne, indigentiae ac bella, & quod majores
destruent minores. Signifiant en outre pour le trine de
Iupiter avecques Mars en ceste opposition du soleil à la lune
que seront ruynez plusieurs edifices & constructions pour
trouver ce que aura esté ravy par des plus proches qui auront
guetté les absconsions secretes des tresors que par les
autres siecles se trouvoyent par les occultateurs decedés :
& demonstre quelques divers & grands evenemens advenir
pour cause de freres, soeurs & plus proches parents de
quelques grandes discordances qu'ils auront assemblees par
les defuncts, & quelques uns qui essayeront de parfaire
quelque grand cas que avecques grandissime difficulté ne
pourra sortir en effect. Les effects seront malins, la descouverte
sera evidente à la confusion de droits [trois?] malins conjurez.
    Le dernier quadrat de la lune sera le 24 à 4 minutes
apres midi à 14 degrez 50 minutes de Scorpio par ascendant
le 14 degré de Gemini, qui sera froid, sec, fort picquant
& pluvieux, presque de mesmes effect(s) que la pleneur,
hormys que quelques autres affaires non differentz
des precedantz se manieront, mais par tout le mois un
tresmauvais temps de froid, neiges, glaces, grandes gellees &
diversités de temps venteux & de brouillaz grandz &
espoix : signifiant en outre que les hommes la plus part de
ceux qui sont esté lesés tant à leurs personnes que en leurs
biens, ils s'essayeront d'un cousté & d'autre de colliger &
amasser, & qu'ils chercheront tous les moyens qu'ils pourront
par faucetés, par voyes indeuës, mettant alavant aux
[B7v]

juges & magistrats, officiers, gouverneurs plus mensonges,
menteries, faucetés, meurs, façons, conditions tout à
l'opposite de ce qu'il sera : tellement que parviendront
plusieurs faulces accusations d'une secte & d'autre en
falsifiant le dire & deposition de l'un & de l'autre : que le tout
ne redondera que à une confusion, malice & animer
alencontre des roys, princes & souverains dominateurs du
monde, qui à la parfin ils auront leurs aureilles toutes farcies
de telles pleinctes & iniques querelles. Aussi que les
plus principaux chefs de leurs sciences seront falsifiés,
gastez, bruslez, esgratignez & corrompus & les livres de
mesmes : que toutes telles inventions de manifeste menterie
donneront occasion aux monarques d'esmouvoir la
guerre les uns alencontre des autres. Et qui sera encor pis,
pour trouver occasion plus apparente de faire luire le fer,
& que Mars par sa fureur soit plus furieusement esmeu,
qu'il demonstre que calumnieusement l'on trahira d'une
secte & d'une autre, inventant de grandes menteries : que
les uns par fraude, embuches, insidies, & par prison diront
& controuveront que l'on voudra faire mourir les roys,
princes & plus souverains dominateurs & gouverneurs de
la terre : & cela tant d'un costé que d'autre sera faux &
controuvé & de grande deloyauté que l'on n'y pensera jamais.
Vray est que d'une partie plus que d'autre cela procedera :
le tout tendant à un but, & c'est de troubler la paix & donner
perturbation à ceux qui s'essayeront de remettre Mars
au plus profond baratre, à celle fin que le temple de Ianus
biffrons soit à perpetuité fermé. Et à la parfin une partie
dans un an il se fermera & se ouvrira par plusieurs fois.
    La nouvelle lune par le mois embolismal sera le dernier
[B8r]

jour de Ianvier à 14 heures 39 minuit. [sic] apres midi, qui sera
deux heures 39 minutes apres midi à 14 degrés 11 minutes
de Aquarius par ascendant le 12 degré de Sagittarius,
qui sera froyde, humide & fort pluvieuse par une opposition
de Saturne. Et de faict il y aura un repentin changement
de temps, de vents, pluyes, neiges, glaces, une fort
grande esmotion de mauvais temps & de grans nauffrages
& submersions grandes. Aussi demonstre que les hommes
feront de grandz & divers songes horribles, qui leur
causeront diverses opinions espouvantables provenantes
de grande abondance de melancolie & de telles choses semblables
à humeur terrestre, que aussi par les continuelz travaux,
labeurs & angoisses qu'ils auront & ne demeureront
que en continuelz pensemens : signifie aussi que les femmes
auront des discordances, labeurs, brigues avecques
leur[s] sociétés & compagnies de leurs maris : & que pour
ceste cause ils souffriront dommages, pertes & incommodités
grandes & les plus grandz du monde & les puissans
roys auront de grandz adversaires & contrarians, que chascun
en aura de son peuple : mesmes qu'il demonstre que
les religieux seront ceux qui plus les facheront, les troubleront.
Signifie en outre que pour cause des chartes de
doutes & de dubitations que naistront entre les hommes
de querelles & de parolles non agreables & autres parolles
assez, que puis apres quelque temps icelles parolles
naistront fort sanguinolentes & que l'on trouvera entre les
hommes quelques papiers & certaines escritures qui mettront
les plus savans en grandz pensemens de freres, soeurs
& plus proches parens quelques adventures diverses. Le
temps des pluyes ne cessera encor du tout. Car ceste lune
[B8v]

en son commancement sera fort pluvieuse & fort generatifve
de catarres, de reumes, & de pleuresies, de fievre[s]
continues : & qu'il mourront dedans le circuit de ceste lune
plusieurs de pleuresis, aussi d'apoplexie & paralysie &
d'autres grandes preparations qui se feront pour les guerres,
qui n'est possible de mettre le tout par escrit qui contiendroit
par trop. Mais la prime fera apparoir que ce souverain
soleil qui est à son orientalité montant que resplandira
fort grandement, & apparoit quelle sera sa puissance,
forte, generosité, magnanimité de coeur. Dieu sur tout :
auquel prierons tous qu'il nous vueille donner ce que sa
divinité cognoist nous estre necessaire.

FEVRIER 1565

Entre les grands naistre grande discorde
Du clerc procere, Vn grand cas brassera :
Nouvelles sectes, mettra en haine & discorde,
Que guerre & changes tout peuple offensera.

DEdans ce mois de Fevrier 1565 qui sera en
son commancement pluvieux, venteux, de
grands neiges, oraiges, toute malice de fort
mauvais temps, de grands brouillas : & aussi
de plus grands monarques se ralieront ensemble
pour se resjouyr, alegrer, & faire quelques paches
ensemble & qui vivront en paix, amour, union & concorde :
& qu'ils feront de nouvelles alliances : & que par maladies
de grandes furies mourront quelques uns des plus
grands : & deux entre les autres qui porteront quelque
[C1r]

(gra)ndes & incredibles deplorations. Et que l'on en menera
de fort longues lamentations, qui sera cause de grandes
facheries, angoisses aux royaumes. Aussi que pour la mort
de quelques uns tant par vengeance, que pource qu'ils auront
delaissé entre plusieurs sortiront de grandes querelles
tellement que par toute(s) voyes indeues l'on pourchassera
la mort des uns & des autres : & que en lieu de pacification
sortiront de querelles plus grandes sans comparaison qu'elles
n'auront esté au paravant. Et dans ce mois seront
promulgués plusieurs edits severes : & le tout ne concernera
que l'observation & privation d'aucunes sectes & religions,
les unes stirpees par persuasions de benevolence, les autres
avecques severités. Mais sine sanguine & sudore quelques
preparations se feront par les Chrestiens qui sont en partie
orientaux & meridionaux, par guerres navalles & terrestres
alencontre des barbares, qui se fera prumptement un
merveilleux amas de gens fort occultement & quelques
autres entreprinses que feront les princes Chrestiens les
uns alencontre des autres, & que plusieurs profligés expoliés
de leurs terroirs & bien que par un extreme desespoir,
rage & fureur se mettront en hazard de reprendre, ravir,
priser, que puis apres la fortune leur sera si contraire, que
les plus principaux les feront mourir de la plus extreme
mort que sera possible, l'un d'entre eux mourra enragé &
de pire mort que de rage. Aussi demonstre par l'opposition
de Iupiter à Mercure que les senateurs des parlements
supremes feront des ordonnances, & qu'ils promulgueront
des arrests & autres conclusions par escrit, les envoyeront
publier de ça & de là universellement par les royau/mes,
[C1v]

que à un chacun ne seront aggreab(l)es, que la plus part
ne sera observé que par peu de temps : qui seront cause que
les uns murmureront alencontre des autres jusques à se
esmouvoir : mais à leur grandissime detriment, dommage,
incommodité, & de la mort des plus principaux concitateurs,
perturbateurs des edits & des arrests donnez. Aussi
qu'il demonstre que tant de pellerins de la temporalité que
de hyerarchie sous pretexte de quelques reducteurs & simple
credulité, & le chemin bon sans malice, ne trop abondance
de savoir. Mais cela de ceste annee ne plusieurs autres
ne se reduira. Les esprits de long temps esblouys & à
demy aveugles se ouvriront du tout : qui seroit bon qu'ils
fussent du tout assoupis. Car les vigiles plus prejudicieront
que la longue, par trop long sejour, sommeilleure,
Iuno aeternum servans in pectore vulnus : & foemina mascu.
lusque nuict & jour ne cessera de pourchasser. mesmes dans
ce mois par quel moyen pourra parvenir au bout de ses
attentes & de ses entreprinses : que la plus part seront de fort
grandes felicités & fort bonne yssue, & Brutus Cassius qu'ils
seront en extreme periclitation & sera proferé fo(r)tuna
virtutem superans, infelix virtus & solis provida verbis.
    Le premier quadrat de la lune de Fevrier 1565 sera le
7 jour à 7 heures 40 minutes apres midi, à 25 degrés 4
minutes de Taurus par ascendant le 27 degré de Virgo,
qui sera un peu attrempé de moyenne moderation de
brouillatz, puis une grande variation de temps muable &
grandement inconstant. pour cause d'une opposition de
Mercure cum cauda Leonis, qui fera que les vents, neiges,
glaces, pluyes frequentes seront continuelles, accompaig(n)é
le tout d'une mauvaise constitution de temps. Et du/rant
[C2r]

ce quadrat on verra manifestement de grandz & subitz
changemens de temps & d'estatz & de personnes, les
changemen(s) seront si grandz & de tout diametre dissemblables
de ce qu'estoient auparavant que sera heureux & plus que
heureux qui sera bien eslongné de là où les hommes se voudront
vouluntairement precipiter. Les maladies reumaticques,
catarreuses & pleureticques & autres maladies
des jointures seront en vigueur, que les suivans se trouveront
grandement molestés tant que les plus grands perdront
par maladies & par autres sublations des amis principaux.
Et en mourra l'un, qui sera cause que l'on verra pacatum
viribus orbem, & d'un autre cousté bien trouble &
bien faché, & ce que de long temps avoit esté conclu ne
sera, & en partie sera. Seront qui ne voudront esperer que
l'heure soit sonnee, ne que le bon temps soit venu, que au
mauvais temps exploicteront de tresmauvaises oeuvres
qui saigneront par apres : & sera  de retour celuy qui avoit
entreprins de parfaire ce qu'il ne pourra bonnement
commencer. Ce quadrat demonstroit une grandissime felicité
& prosperes adventures advenir entre les Chrestiens &
entre toutes autres nations du monde de toutes religions :
mais pour le seur dedans ce quadrat sortira une grandiss(ime)
discordance entre les grandz roys & monarques alencontre
de quelque grand en la hyerarchie sans accord. La
discordance d'entre eux procedera de n'avoir voulu accorder
quelques poinctz d'importance que appartiendront au
faict de la dignité de prelature, & de donner ordre de ne
faire estre ce qu'il ne pourra qu'il ne soit & en grandissime
nombre : tellement qu'il sera proferé, negligere est fatius
perdere quod nequeas.* Et que aussi devers la fin de ce

* Alciatus, Emblemata, "Hostilitas. In detractores", éd. Guillaume Rouillé, 1550, p.177
("Ce qu'on ne peult abolir : fault laisser", Emblemes, éd. Guillaume Rouillé, 1549, p.199)
[C2v]

quadrat que seront promulgués tant de nouveaux edits &
d'ordonnances nouvelles, confirmees & donnees charge
par plusieurs arrests prononcés : tellement que pour la saveur
de quelcun grand, comme presque la seconde personne
des roys, qui fera une partie par sa fureur, une partie par
sa puissance absolue, & cum lege, & sine lege : tellement
que l'on commettra de grandissimes injustices & manifestement
se commettront de grands forfaitz, meurdres, delicts
& grandz méfaictz. Les suspendus seront remys en
leur pristin estat sine noxa, sed non omnes * : seront confirmés
les administrateurs de la justice : & de faict procederont
si justement en leurs affaires, que quelque calumnie
que l'on y fasse, toutesfoys l'on n'y pourra mordre en façon
quelconque que ce soyt.
    La pleine lune sera le 14 jour, à 17 heures 10 minutes
apres midi, à 28 heures [pour degrés] 17 minutes de Leo par ascendant
le 2 degré de Aquarius, qui sera freche avecques humidités
par pluyes, neiges & grands brouillatz & autres changemens
de temps, sera grandement maladive, generative
de plusieurs rongnes & autres maladies pestilantes que
puis apres durant l'esté pulluleront en grande abondance.
Aussi que pour cause de la conjonction de Mars à Venus
signifie que durant ceste pleneur se commettre de grandes
fornications & adulteres, de ravissemens, que pour le
faict de la procreation seront perpetrés une infinité
d'abominations par luxure en tout espece de sexes avecques de
grans maux pour iceluy faict : & la plus part redondera à la
grande infamie & deshonneur des femmes. Combien que
la plus part de telles meschancetés seront faites par force &
par violence. Et non contans de ce apres que plusieurs vio/lances

* "sans dommage, mais pas tous"
[C3r]

leur auront esté faites, les uns seront diffamez, aux
autres les feront mourir violentement. Desmonstrant de
cecy en plusieurs des femmes plus honorables matrones
& aux vierges & aux vierges vestales de toutes contrees
mesmes aux regions orientales & meridionales. Aussi
qu'il demonstre que par trop de la procreation des femmes
tant souillees que impudiques pour cause de quelque
nouvelles maladies provenans de impudicité par les femmes,
demonstrant aussi quelque grand prince & monarque
mourir mesmes aux regions  de la Germanie & en la
Romanie : & que le monarque Romain periclitera grandement
de sa vie & grandissime danger de mort.* Dieu par
sa grace le veuille preserver de tous sinistres evenemens,
& prolonger la vie aux princes Chrestiens. Que les plus
profonds de la Perse, Medie, & les roys & monarques de
l'Rsie [l'Asie] se dresseront pour venir assaillir ceux de Bisante qui
est Constantinople. Et de faict il s'approche une seconde
ruyne de la cité & renovation de regne & de roy, & estre en
grandissime tremblement, que pendant qu'ils feront apprest
pour sortir hors, une autre classe or(i)entale s'apprestera
pour les assaillir : sed pro nunc, les assaillemens seront
mis en vain : que le tout sera cause d'une infinité de
maux & de miseres & calamités. Et pour cause que ceste
conjonction est en signe alato & sterile, que plus demonstre
advenir aux animaux vollatiques que à nul des autres :
mais que ce ne sera pas ce que prejudiciera. C'est
que entre ceux de la secte Morisque, ou Mahumetique
que cent fois plus ystront de controverses, de tumultes,
des belliques esmotions que entre la Chrestienté :
Combien que par tout y en aura beaucoup. Le mauvais

* Décès du pape Pie IV le 9 décembre 1565. Le passage est relevé par Hubert Languet en mars 1565 (cf. CN 104).
[C3v]

temps se commencera un peu appaiser, mais de bien peu.
Les maladies seront rares : mais, ce que sera de peu de duree,
sur tout subites & repentines mesmes dedans de
temples & eglises en tumberont de tous mortz sans parler
demeurans perclus de la moytié du corps, mesmes le(s) vieux
& les fort pleins, que les plus extenués, & quelques uns
des plus apparants de prelature & d'autres grandz en la
temporalité qui mourront. Aussi plusieurs que par surprinse
seront ostés du milieu. Demonstrant aussi une signification
bien grande & digne d'estre fidelement expliquee,
c'est qu'apres longs labeurs, travaux, peines, angoisses,
perilz de mort & diverses incommodités, que puis apres
durant ceste lunaire revolution, que la plus part des hommes
s'addonneront totallement & d'une singuliere affection
à toute bonté, dechassant tout dol, fraude, calumnie
& dissimulation : s'addonnans totallement à injustice & à
la fidele exposition de la loy, ne tendans à autre fin que de
destruyre, ruyner, prophaner, & mettre à neant les eglises,
temples, oratoyres & chapelles & inquisitions de la loy,
les sapiences d'icelle. Les uns qui les dresseront, les autres
qui les ruyneront en esperance de perpetue(r) leur nom.
Les uns comme NERON par maux, les autres par erection
des vestiges des ruynes colapses, ce que redondera
à la louange & immortalité de l'ame. Et revera maxima
pars hominum dabit operam bonitati, justitiae, aequitati,
rationi, fidei & probitati & attenti erunt variis expositionibus
legis, nonnulli in depopulationibus ecclesiarum
prophanarum, oratoriis, sacellis, inquisitionibus legum &
earum sapientiae, indeque sibi expetent nomen. Et pource
que Iupiter qui avoyt esté longuement oriental le pre/mier
[C4r]

de l'opposition de la lune, qui est le 15 jour, sera occidental :
qui sera cause de grandz changemens & terribles.
    Le dernier quadrat de la lune sera le 22 à 19 heures 42
minutes apres midi, à 4 degrés 27 minutes de Sagittarius
par ascendant le 20 degré de Aries qui sera moderé & de
louable attrampance, tendant à toute chaleur & humidité
ne se maniant que de la vie, de la santé, de la bonne &
mauvaise disposition du corps & de plusieurs voyages de
peregrinations & itinerations. Et aussi que durant le cours de
ce dernier quadrat seront de plusieurs pars & de diverses
contrees d'ambassadeurs, legats & grands personnages qui
seront envoyés d'un royaume à un autre, & de diversité de
langues. Toutefois tous s'accorderont à le saluer en une
mesme langue. Vox diversa sonat populorum, est vox
tamen una. Cum verus Galliae dixerit esse pater. Puis apres
que une certaine constitution de temps de moderation, qui
ne pourra que laisser les mauvaises constitutions de l'air
qui sera adonné du tout à malice de temps, pour l'opposition
de Saturne à Venus à la fin du present moys : qui signifie
que plusieurs seront accusez devant le roy, que seront
convincus de ce qu'ils ne pourront desnier en aucune sorte
de ce monde, en titubant & branslant, & que plusieurs feront
des insultes & seront descouverts plusieurs enormes
mesfaits & quelques conjurations secrettes & plusieurs qui
seront accusez, que pour eviter la fuitte chargeront de
fauces barbes pour sortir de nuict : & les uns changeront
d'habits & faindront leurs personnes & quelques uns qui
eschapperont, les autres qui seront surprins sur le faict,
significat etiam quod damnabuntur omnes rei venereae, sicut
sunt forma & ornamenta similia : & que tout ornement de
[C4v]

femmes qui sera d'or garny de pierreries & autres sumptueux
ornemens le tout sera prohibé. Et aussi que pour
cause de telles applications les femmes s'accorderont
avecques leurs hommes, mais plus tost avecques ceux qui
traitteront l'amour furtive, que à peine elles se pourront
accorder. Car les contrasts seront grands non sans grand
divorce de tous aages. Aussi que les personnes qu'auparavant
avoyent delaissé la transmutation des metaux & de
toutes autres maistrises qui se font au feu & par icelle
transmutation s'y addonneront beaucoup, non sans grandissime
contentement des plus grands du monde. Et demonstre
que la fin de ce moys depuis le quadrat jusques au 28 qui
est le dernier, il n'y aura que tout mauvais temps de pluyes
neiges, orages, inondations au(x) plus grands fleuves,
submersion au(x) lieux maritimes & froids. Et combien qu'au
commencement du quadrat tant pour l'ascendant que pour
la constitution de la lune soit en signe ignee, si est ce que le
temps tendra de tous endroits à moderation de temps : &
durant ce quadrat l'on rapportera à roys & monarques &
souverains dominateurs que par lors les plus grands feront
par response furieuse que en divers lieux des royaumes le
peuple se sera esmeu, & que les uns secretement par dessous
main tacitement feront rebeller : lors les nouvelles apportees
de colere, que l'on ira menassant du front furieusement &
la main au manche de l'espee : & arrivera puis apres avecques
une terreur de tous les rebellans & d'aucunes provinces
que l'on doutera tacitement du tumulte & rebellion &
d'autres secrets maniemens : l'on fera amas d'un grandissime
nombre de gens, tellement que l'on les translatera en d'autres
provinces fort loin, à celle fin que puis apres que l'on
[C5r]

se voudra saisir, ceux qui seront bien loin translatés ne leur
fussent obstacle, & une infinité d'autres stratagemes que
les plus grands useront tendans tous à un but. C'est de
pacifier leur regne, & oster du milieu ceux que l'on se doutera
que pourroyent donner perturbation aux royaumes :
& cecy non tant seulement apert estre & advenir à l'invincible
royaume de France, mais aussi par toutes les monarchies,
democraties, aristocraties, par toutes les sectes de
toutes nations, & advenir par tout le premier quadrangle,
qui sont les provinces, villes & cités qui sont soubs Aries,
Libra, Cancer & Capricornus : que l'on verra tout cecy
esmouvoir & beaucoup plus entre les Mahumetans pour la
difference de leur religion, & encor plus entre les Chrestiens
de toute l'Europe cecy sera tellement semé & de tant grands
differents entre les hommes que ce sera proprement une
confusion, qu'il seroit tressalubre à plusieurs de faire,
comme raconte Homere, estouper les oreilles à ses souldats,
pour n'ouyr le chant des syrenes. Et pource à cause de
l'opposition de Saturne à Mars, qui est sans comparaison plus
à craindre, que la conjonction demonstre de se preparer
dans ce moys & une partie dans celuy qui s'ensuit & l'autre
advenir dans l'an, & plusieurs autres evenemens aux
royaumes : que le tout ne redondera que à l'augmentation,
felicité, prosperité des roys, princes, monarques, & plus
souverains dominateurs & à la grande decadence, ruyne &
ignominieuse captivité, condemnation de tout le menu
peuple & l'abaissement d'aucuns marchans, bourgeois &
autres de moindre estat. Aussi demonstre que pour subvenir
à plusieurs rebellions qu'aux plus grands cités seront
de nouveau erigées forteresses & le tout sera restably pour
[C5v]

la tuition des monarques, ne comprenant que icelle opposition
menasse de querelles, nouveles discordes & autres
divers evenemens & plusieurs maladies de froid & chaut,
catarres, contractions de nerfs, blesseures, playes mortelles
par des personnes qui ne se cognoistront les uns les
autres : & aussi par personnes cogneües. Dieu est sur tout
qui par sa grace nous veuille preserver de tant de maux
qui nous est menassé.

MARS 1565

Secret conjur changement perilleux,
Secretement conspirer factions,
Pluyes, grands vents, playes par orgueilleux,
Inonder fleuves, pestiferes actions.

DAns ce moys de Mars 1565 là où consiste la
signification universelle de la presente annee, par
laquelle est amplement demonstré ce qui doit
advenir dans l'annee. Et le commencement de
moys qui va quant & la lune, qui ne demonstre que pluyes :
neiges, brouillaz, grands vents, & fort impetueux avecques
pluyes. Et combien que soit dict, & Imbam inimicum ventis,
si est ce que le changement de temps sera divers, & qui
demonstre par Mars in Aquario que par trop grande tyrannie
les monarques ne pourront venir à bout de leur entreprinse,
tellement que l'on sera contrainct de faire ce que plusieurs
voudront, & non pas un : seront depechez des ambassadeurs,
de legats, & que seront donnees charges à plusieurs
qui sauront toutes nouvelles & de grande conse/quence
[C6r]

Les envoyez & appellés par les monarques seront
contumax, seront differans. En un autre temps plusieurs
jeunes enfans constitués en leur fleur de jeunesse, que l'on
les tenoit pour du tout mors, seront la plus part de retour,
non sans une supresme joye, & alegresse & supresme rejoyssance.
Par les plus grands de grands presents seront faict(s)
à des personnes meritoyrement & à plusieurs indignes.
Et pource que le premier jour que la lune est nouvelle in
Piscibus, qui est domicile de bannissement, d'exillements,
de fuite, d'ennemis occults, secrets, de prisons, & detentions
de personnes. Que aussi guieres ne se maniera affaires
que des ennemis mortels, secrets & occultement pourchasser
insidies, calumnies les uns contre les autres : que
plusieurs ne sauront, où se retirer. Habet enim confugium
belua quidem petram : civitas vero civitatem fugiet, souffrant
beaucoup de calamitez, povretez, miseres, indigences,
& grandissimes perturbations de leur esprit. Et pource
que rerum humanarum non est quicquam perpetuo beatum.
Et à la parfin apres que j'ay longuement calculé tant
de ce qui est passé, de ce qui advient dans ceste annee, que
de ce que les astres nous menassent dans l'annee, & celles
qui s'ensuyvent il faut confesser (& tout ainsi je le trouve)
quod deteriora plura mortalibus sunt & evenient quam
meliora, jusques à quelque temps : mais à la parfin le tout
soigneusement calculé, les astres nous presagent que sans
comparaison le bien que nous advient par l'influance des
astres, sera beaucoup plus grand que ne sera le mal. Per
sydera vitas vates praedicunt, & ab auguriis revocati ab exilio
multi. Et Mars qui est oriental in Aquario, qui sera cause
de grandes esmotions de vents : que plusieurs signes de
[C6v]

pestilances apparoistront, de grans bubuns aux aigues,
de charbons & des antrax : encor de tout ne seront passees
les maladies pleuretiques, de grands crachemens de sang,
& autres maladies de grande contagion : (se)ront quelques
uns qui accompaigneront les grands en leurs extremes
necessitez & affaires, & bene illis erit imposterum. O combien
de villes & cités que seront malades, & en fort mauvaise
disposition : qui auront besoing de quelque bon conseil
& non tant seulement par la diversité des maladies
pestilantes, mais d'un million d'autres grandes simultez.
Vrayement du jour de cecy que j'escri, qui est un dimanche,
23 du moys de Fevrier 1564,* pour 1565, que bonnement
le sens m'est du tout esblouy, en calculant le nombre
des provinces, villes, & cités, que encores esmeuës de
mauvais conseil se veulent esmouvoir. Mais trouvant que du
tout la bride, le frain, les renes sont mises au cheval furieux
qui ne pourra plus regimber, & que totalement la paix sera
par les Chrestiens plus amplement publiée & esparce de telle
sorte qu'il se trouve que dans ce moys par quelques secrets
maniemens qui se trament, qu'il ne se pourra faire ce
qu'on voudra. Et de faict les cités aucunes qui seront trop
bien, demanderont à mal estre : & sera dict par les sages,
Non enim recte sapit civitas seditione laborans & malis
consultationibus,** combien que la force soit grande. Sed
fortitudo haec caret prudentia.*** L'un ira en bon, l'autre en mal
si Dieu par sa grace ne garde deux des grands dans le revolu
de ce moys periclitant de leurs personnes d'un grandissime
danger de mort, de captivité, de fuitte, & vixerit refugium
exelsa petra ne Varo flumine pulsas. Dieu est sur
tout qui les gardera, & la hierarchie. Prions à Dieu aussi

* date interne de composition : 23 février 1564
** Euripide, Hercule furieux, 269-270 :
neque enim recte sapit civitas seditione laborans et malis consiliis
"En effet, la Cité, en proie à la sédition et aux mauvais conseils,
 a perdu toute sagesse" (trad. Leconte de Lisle)
*** Amphitryon, dans la même traduction latine de l'Hercule d'Euripide
[C7r]

que là d'où procedera la lumiere du monde, & de faict vraye
lumiere, qu'il ne soit cause de plus grande esmotion &
sedition, combien vrayement que son intention ne soit telle :
son an Clymatherique est passé. Dieu par sa bonté infinie
luy doint grace de vivre beaucoup autant que son predecesseur.
Car par luy l'universelle Chrestienté doit estre reduite
en paix, union & concorde & universelle pacification. Hic
pius, prudens, humilis, pudicus, pacifiera le tout. Prions à
Dieu, nous doint grace de passer ce moys, l'annee & plusieurs
autres en paix, amour, union & concorde, & delivrer
son eglise ab erroribus universis d'une partie & d'autre, &
que le tout soit à sa plus grande gloire & louange. Ainsi
soit-il.
    La nouvelle lune sera le 2 jour à une heure 18 minutes
à 24 degrés 17 minutes de Pisces par ascendant le premier
degré de Leo, qui sera froide, humide, par pluyes, neiges,
froidz, vens mauvais : delaissant presque du tout le mauvais
temps, par l'ascendant demonstre une fort bonne moderation
de temps : mais ne pouvant delaisser ses tresmauvaises
qualitez de froid glacial, la temperature toutesfois
bonne & louable. Finem dabit Deus mortalibus, quando
ipse voluerit. Et pource que de pays lointains viendront
comme ambassadeurs & legatz de plusieurs contrees estranges,
& tous n'auront pas du bon, erit multorum poenitentia
togatorum. Puis par le demy de ce quadrat lunaire,
& pour cause aussi qu'ayant calculé tant par les annees
passees que par la presente, que par sept qui s'en ensuyuent,
que les causes mouvantes subites & repentines pour
le faict des sectes & des religions, que Mars en a esté la
premiere cause mouvante. Mars qui a esté cause de n'a/voir
[C7v]

esté gueres durable, mais grandement furieuse, & de
la paix a esté Saturne, qui est signe que sera de fort longue
duree. Et que Iupiter & le soleil & Iupiter en leurs sieges
plus hautz est que les roys, monarques & leurs magistratz
feront observer leurs loix, edictz & humaines constitutions,
accompagnees avecques les divines, tellement que
le tout redondera à grande paix & tranquillité : & que la
pestilance sera si grande que ne cessera que l'expiation
hespericque ne soit faicte, ne passant : mais à cause que le
soleil est dans la neuviesme, qui signifie roys voyager &
visiter leurs royaumes & terres pacifier par tout.* Dicit enim
Haly, res omnes quae repentino quodam motu accidere
solent veluti terrae marique paratis rebus omnibus, bellici
tumultus oriuntur, citissime fato quodam destruuntur, &
cela demonstre dans ceste lune, & pour estre de la nature
de Mars, & que à la parfin quelques autres esmotions se
dresseront : mais par toutes insidies & stratagemes qui seront
de la nature de Saturne, que seront par trop longuement
durables plus qu'il ne seroit pas de besoin. Et de faict
l'estat des roys & monarques, souverains seigneurs, les
plus proches apres les roys jusques aux gouverneurs de
toutes provinces, leur estat sera grandement felice & heureux
& de fort grande prosperité. Et Mars qui signifie les
Capitaines & Empereurs de guerres & tous ceux qui au
faict des guerres auront commandé, seront merveilleusement
les bien venus, caressez & receuz des roys & des
monarques non tant seulement par toute la revolution de
ceste lune, mais aussi de toute l'annee pour cause que
Mars dans la septieme est regardé de trine aspect du soleil
qui est dans la neuviesme, où une infinité de toutes manie/res

* Allusion au grand tour de France de Catherine de Médicis
et de son fils le roi Charles IX, initié le 24 janvier 1564.
[C8r]

de gens seront de tout delivrés d'exilement, captivité,
prison, & moleste facherie : pource que Pisces est dans la
neufieme, & par opposite aussi, combien vrayement
que adviendront une infinité de fort merveilleux advenemens
tant par de nouveaux advenemens que par certeines
entreprinses qui se feront fort occultement que l'on cuidera
une, & ce sera une autre fort estrange & grandement
aliene de ce que les hommes par conjecturative artificielle
auront en leur entendement revolue & puis subit mal
d'un assaillant que par tous les coustés sera assailly & sera
dict, Nam metuunt lepores occisi membra leonis, &
convellunt barbam vel timidi lepores.* Plusieurs entreprinses
par divers voyages par l'advis & conseil des plus anciens,
mesmes par ceux du magistrat seront refrenez & retardez
d'autres asses divers evenemens que les astres nous
menassent : mais la puissance de Dieu eternel est super caelos,
qui nous preservera du tout, ainsi soit-il comme l'on
desire. Amen.
    Le premier quadrat de la lune sera le 8 jour à 15 heures
52 minutes apres midi à la queue du dragon à 19 degrés
34 minutes de Gemini par ascendant le 3 degré de
Aquarius qui sera quelque peu pluvieux tendant à bonne
temperature de temps, qui sera moderé, & devers les
regions septentrionales & occidentales sera froid, ventz,
neiges, glaces, orages, diversité de temps par toute la
Germanie, pluyes & secretes esmotions, qui ne feront nulle
apparence : & sera mauvais pour cause que quelques
secretes machinations seront commises & d'autres trahisons,
que les unes seront descouvertes, les autres seront tellement
occultes que dans les embusches plusieurs y seront

* À l'expression de Morus, "les lièvres redoutent les membres du lion trucidé"
(déjà citée dans Les Présages merveilleux pour l'an 1557, cf. CN 46 note 5),
Nostradamus ajoute : "ou plutôt désormais ils vont lui arracher la barbe"
(Anthologia Graeca, 16.4 ; Alciatus, Emblemata, "Cum larvis non luctandum")

[C8v]

surprins : & que plusieurs du magistrat de toute maniere
de gens de robe longue par maladies des parties inferieures
seront grandement fachez & en mourront plusieurs &
que un chacun retournera en son repaire : quelques autres
divers evenemens leur adviendront : & que sera fort estrange
de leur plus grand contentement : pource que le soleil
qui signifie les roys, les regarde grandement : qui est aspet
de grande malevolance & terrible & par une raison evidente.
C'est que le seigneur de la dissiesme est dans un signe
ignee, qui signifie de fortes maladies, de fievres continues
& fievres evidentes de pestilance de la plus contagieuse
& plus pestilante, que non tant seulement ne menasse
communement les mediocres, mais aussi que les plus grands
delaissez d'un chacun, & la plus part mourir pour faute &
indigence de secours commu(n) tant de vivres que de
medecines. O le dur spectacle que je voy apres & de si grande
proximité, que si Dieu seul n'y met la main, je me doute
fort de ce que par dessus est menassé qui ne soit plus proche
que l'on ne cuide & d'une extreme predication : & demonstre
que les viendra à stimuler & esguillonner. Ie laisse
beaucoup d'autres advantures diverses qui adviendront
durant le revolu de ceste lune : mesmes un des plus grands
cas de ce monde, que par les orientaux les plus proches de
Ligustique par la Corsique temples spoliez, ravis & du tout
mis en extreme desolation leur adviendra ce que par la
destruction du port statio bene fida carinis Savonae & la
Citadelle prinse & tentee, non sine maximo discrimine. Et de
faict le changement subit & ruyne. Dieu est sur tout, que
luy plaise de nous aider.
    La pleine lune sera le 16 jour à 9 heures 23 min. au pre/mier
[D1r]

degré 35 minutes de Libra pour ascendant le 22 degré
de Scorpio que sera froide, seche avecque humidité par son
commencement puis tendant à mauvais temps de pluyes, de
grands vents & de neges, d'autres tempestes & constitution
de mauvais temps, demonstrant de grandes maladies
d'estomach, de reins, de ventre, de toux, & d'autres maladies
pleurétiques. Sera un bruit de nouveau tout eslevé subitement
de quelques ennemis publicques qui seront de grand
nombre, qui se viendront à esmouvoir par commission des
plus grands pour faire punition d'aucuns forfaits qui auront
esté commis & perpetrez sans ordre, raison, equité ne
justice, & aussi de quelques autres ennemis & adversaires
qui se mettront à leur devoir de faire quelque occupation
grande & de fait quelques grandissimes expeditions seront
depeschees, que les vengeances ne furent oncques si grandes
qu'elles seront . Aussi combien que le temps de nopces
& des espousailles ne soit jouxte l'ordonnance de l'eglise,
si est ce qu'il demonstre que plusieurs mariages d'importance
se traiteront & plusieurs s'en arresteront, mesmes de
quelques uns qui seront d'une grandissime importance, de
regne, de monarchie, de satrapies, de duchés. Et apres que
mourront quelques uns qui seront d'une grandissime
importance & d'autres de maladies pestilantes, & d'autres
maladies grieves & subites & contagieuses que plusieurs
mourront subitement. Aussi que quelques uns des plus
grands pour la cruauté de la maladie mourront fort
subitement & seront improperez que auront esté emprisonnés,
& aucuns morts de pestilance, que pour une subite effrayeur
fera invasion tant subite & tant repentine aux humains
que plusieurs s'enfuiront, & nul ne les chassera, se/ront
[D1v]

surprins plusieurs innocent par legiere soupson. Dans
ceste lune pleine de vray pour cause des vengeances, de
morts, & pour cause de delaissement d'iceux provenir de
grandissimes debats, querelles, discordes, inimitiés non
sans grande effusion de sang : mais l'effrayeur que par
plusieur(s) des endroits de l'Europe assaillira les humains, sera
si grande, cum terrore & formidine par les rivages marins :
les unes seront de nuict au defaillement de la lune, le bruict
sera tel de classes d'armees, de fustes, de fragates, de galleres
& autres vaisseaux marins que plusieurs abandonneront
le plus bas pour se sauver au plus haut de grandissimes
contentions & de participations seront faites, & seront
arrestees de grandissimes entreprinses, grand pillage par
rivages marins seront faits : que de ceste pleneur de lune vient
à redonder à la pleneur de la lune du moys d'Avril & de
May qui s'ensuyvent. Les contrarietés dureront toute ceste
lune : seront si grandes que à peine rien qui soit de
consequence, ne qu'il vaille se pourra facilement accorder. Les
differents seront merveilleusement grands : & ne seront
moins d'importance que de dangier periclitant. Les pluyes
seront fort facheuses & non moins empeschables que
dommageables. Dieu sur tout.
    Le dernier quadrat de la lune sera le 24 jours à 11 heures,
57 min. à 7 degrés 42 min. de Capricornus pour ascendant
le 18 degré de Sagittarius avecques une opposition
de Venus cum cauda Leonis, qui sera froid & sec : qu'en
lieu que le temps se vienne à moderer sera tout le contraire :
mais que se viendra plus fort à refroidir, non sans grandes
pluyes, quelques neges, grandz ventz devers les regions
orientales. Il y aura quelque moderation de consti/tution
[D2r]

de temps paisible : mais qu'il tendra encor à pluyes.
grands ventz & gros deluges & de grandes inondations
& submersions de fleuves : plusieurs par dol & fraude
des nautonniers & gubernateurs. Les eaux frequentes
donneront empeschement divers à plusieurs de felicite
entreprinse quelques grandz maniemens se feront par moyen
de voyages & peregrinations, de foy, de religion,
d'embassadeurs, de legatz, de narration de comptes, de lettres
qui auront esté trouvees entre les mains de quelques uns
& puis qu'il ne faillira que ne soyent esté tractees, maniees
par sublimes deliberations de royaumes, de roys, princes,
monarques & souverains dominateurs du monde par
l'exaltation & supresme sublimation des plus grandz du
monde avecques ceux du magistrat, & que en cuydant aller
prendre bien loing ils prendront bien pres sine sanguine &
proditione : mais le tout par bonne guerre & par raison,
equité & fort bonne justice, pource qu'il courra la voix de
quelque grand empereur, roy, monarque & grand dominateur
de la terre, qu'il n'est possible autrement. Dieu sur
tout. Que quelque grande oeuvre de sublimation, exaltation,
de quelque grandissime sublimité de siege, que quelques
uns desmys, & les autres plus hautement exaltez en
maison bien haute par quelque grande maistrise. Les voix
d'empire courront de quelque haut faict de magnanimité
de coeur de capitene heroicque & genereux, quelque autre
haut fait non moindre que le precedant que par coeur
intrepidant & audacieux sera à sa grande louange commis.
Demonstrant outre que les plus grandz roys, princes & monarques
demeureront fermes, constans, stables en leurs regnes
& domination, demeurans & regnans fort longue/ment
[D2v]

& aussi demonstre qu(e)lque abaissement de quelques
uns, qui redondera par son infelicité à la felicité de celuy
qui par vois d'empire & de regne y sera permanent. Dieu
sur tout, auquel je prie nous vouloir ottroyer ce qui nous
est necessaire.
    La nouvelle lune de ce mois qui est embolismal, sera le
31 jour à 9 heures 52 minutes à 14 degrés 51 minutes de
Aries par ascendant le 28 degré de Scorpio, qui sera
moderee, laissant une partie du mauvais temps, mais non du
tout. Elle continuera d'estre par la constitution du temps
belle, attrempee : mais encor de pluyes & autres variations
de temps. Et pource que dans ce circuit lunaire y aura de
grandes dissimulees discordances & apparantes simultez,
tellement que les uns conseilleront faire resusciter Hannibal.
La plus part ne demandera que la paix, mais celuy de
la guerre par ses persuasions sera beaucoup plus puissant
& moins façon de : & mettra la guerre sus, ignorant. Periculosa
res est dux audax. O Seigneur Dieu eternel quanto
est bello potior pax hominibus. Et puis je voy une conjonction
du soleil cum lucida fluminis, qui demonstre de grandes
expeditions qui seront depechees, nonobstant que les
perturbateurs de la paix qui se demangeront. Et pource
que Iupiter est fort bien situé, qui fait apparoistre une paix :
par moyen que la plus part des perturbateurs ne seront que
à demy extirpez. Et pour le quadrat de Venus sup. ad humerum
dextrum orionis significat damnum & impedimentum
aliquod satis leve in substantiis magnorum principum.
Quinetiam supervenient damna & impedimenta
grandissima itinerantibus per mare & per terras & habitantibus
montes : denotat etiam damnum malum officialibus,
[D3r]

praepositis regis & quod auferentur eius officia : & quod
corum aliqui destruentur : sed regum & maximorum &
imperatorum significat potentiam magnam regum
amplissimorum, & de grandissimes proesses, victoires,
voyages, qui seront expediez par iceux grandissimes roys
avecques un certain accord secret entre eux : que tous autres
potentats & ceux qui seront veridiques. Le titre de conservateur
de republicque & de magistrat : recognoistront en
ce qu'il sera necessaire les plus grands tant en la temporalité
que spiritualité. Et le vient à confirmer pource que la
lune est appliquee d'un trine avec Iupiter : & puis que la
lune est en signe mobile, & Iupiter in virgine, qui est signe
commun, & que non tant seulement dedans le circuit
de ceste semaine, mais durant jusques à la fin du moys d'Avril
qui s'ensuit, se feront entre les plus grandz du monde
& autres princes de la terre de grandz maniemens de la
vie du corps, & se traitera de quelques commencemens
d'oeuvres, d'operations de quelques graudissimes entreprinses
que voudront faire les hommes les uns alencontre
des autres, avecques un grand doute que feront au faict de
leur(s) entreprises, & courront de grands bruitz & tumultes
bellicques & que pour cause d'aucuns bruitz qui se feront
par Mars se viendra apparoistre de grands effectz : les
persuatif(s) de la langue ne parleront que tant seulement au
peuple de semblables comme ce que a dict Aristophanes
de Nebulis, qui d'un cousté, qui d'autre. Et ce ne sera sans
foy evenimer en leurs langues grandement : & les uns
porteront de poisons, les autres par trahisons, de peurs, de
craintes de timiditez, de substances occultes des reliques,
delaissement des morts, que plusieurs auront la teste tou(t)e
[D3v]

malsaine. Et que ce qui se commencera pour le faict de la
guerre par toute ceste lune, sortira par les plus grandz &
par les capitaines en plain effet. Dieu par sa grace nous
vueille ottroyer ce que sa divine magesté cognoist qui nous
est necessaire pour la paix, union & tranquilité de nostre
esprit. Amen.


Retour à l'index
Bibliographie
Retour Nostradamica
Accueil CURA
 

Patrice Guinard: Almanach pour l'an 1565 (I) http://cura.free.fr/dico-a/1711cn217alm65a.html 28-11-2017 ; updated 06-12-2018 © 2017-2018 Patrice Guinard